Home Notisia Arte Marsiál Kera-Sakti Sei Hetan Formasaun Konaba Edukasaun Sívika Sidadania

Arte Marsiál Kera-Sakti Sei Hetan Formasaun Konaba Edukasaun Sívika Sidadania

1261
0
Lider Másimu IKS, Silvestre Sufa. [Foto: Silvino | 26.05.2022]

Reportajen Silvino Freitas

Ikatan Kera Sakti (IKS) sei halo formasaun matéria rua hanesan Edukasaun Sívika Sidadania no  materia organizasaun nian durante hafoin mak bele halo treinu ba membru foun sira.

Tuir Lider Másimu IKS, Silvestre Sufa hateten treinadór sira hetan selesaun hosi rantin ho ema nain lima hodi submete mai nasional no sei hetan formasaun durante fulan ida.

“Sira sei hetan formasaun durante fulan ida ho materia rua ne’ebé mak relevante ho atividade ida mak kona ba edukasaun moral no sidadania nationalismu patriotismu no materia balun ne’ebé sei fo hosi terinador sira, sei bolu mos autoridade atu fo mos materia balun tuir fali mai mak materia kona ba organizasaun nian ho obrigatoriu” dehan Silvestre iha Ginaziu Dili,(26/05).

Nia dehan treinador sira sei hetan sertifikadu kona ba treinu nian iha mos formasaun hotu sei tuir mos ezame ba materia sira balun eskrita no balun teknika oral hafoin remata sei hetan avaliasaun hosi komisaun karik passa mak foin bele sai treinador, maibe presiza mos hetan autorizasaun no ligalizasaun hosi autoridade kompetente sira no tenke priense rekezitu sira.

“Obrigatoriumente sei hatama baze dadus no balun ne’ebé mak durante taka nia laran sei bolu fali hodi submete ba iha regra no tenke priense rekezitus sira” nia dehan.

Nia dehan tan iha mos ekipa ida ne’ebé servisu ho PNTL mak konsellu disiplinar, no konsellu ne’e mos sei hetan treinamentu, no sei foti sansaun ne’ebé todan ba membru ne’ebé kontra regra hodi hasai hosi organizasaun, ita defende ba organizasaun nia naran tamba rejistu iha tribunal ho legalmente, lalos ba fali iha pesoal ida.

“Ami konsege hasai ona balun hosi organizasaun no laiha problema no la todan atu hasai sira, durante ne’e ami hasai ona ema nain 5 inklui feto ida, karik iha tan mak la kumpri regra sei hasai no hatoo karta ba autoridade relevante katak ema ne’e sai ona hosi organizasaun” nia konklui.

Print Friendly, PDF & Email

LEAVE A REPLY

Please enter your comment!
Please enter your name here