Reportajen Joselina dos Santos
Foinsa’e sira husu ba Prezidente Repúblika foun ba Periodu 2022-2027 iha segunda volta, karik entre kandidatu rua ne’ebe mak eleitu durante mandatu tinan lima, tenke tau prinsipál liu ba diversifikasaun ekonomia kriasaun empregu kualidade edukasaun Infraestrutura, hodi garantia promove paz no justisa estabilidade ho profesór iha Timor-Leste.
Simão Fatima Martins (28) munisípiu Ermera, postu-administrativu Ermera, suku Estado, nia agradese tanba ohin loron espesiál ba sidadaun no joven sira hotu, hodi hakat ba sentru votasaun, atu ezerse sira nia direitu.
“Hanesan sidadaun ka joven milineal sempre iha esperansa bo’ot tebes ba Presidente Republika ne’ebe eleitu, tenke sai hanesan aman ba nasaun hodi hamosu paz no estabilidade iha rai laran tuir dalan demokratiku nia,” dehan Simão ba Neon Metin liu husi via whatsapp.
Nia dehan hanesan joven hakarak husu Prezidente Republika foun, tenke iha imparsialidade independente ba povu tomak, hodi kria paz no hakmatek hodi hamosu dezenvolvimentu ne’ebe tuir povu nia hakarak.
Francisca da silva (26) municipiu Dili hato’o nia esperansa ba Prezidente foun, atu tau aas interese nasional hodi respeita o kumpre leit, atu bele kria unidade no estabilidade ba povu.
“Tenke tau atensaun makaas ba diversifikasaun ekonomia, kria empregu no mantein estabilidade ba dezenvolvimentu ekonomia sosial”, dehan Francisca
Eliseu Antonio (27) munisipiu Dili hato’o nia aspirasaun katak presiza garante estabilidade, hadia sasán sia ne’ebe seidauk lao diak
“Tau matan ba joven sira nune joven sai agente transformadór ba nasaun”, dehan Francisca
halo tuir iha rai doben ida ne, e tau matan mos ba joventude sira ne’ebe sai hanesan agente transformador ba nasaun ka estadu ida ne.
Zeferino Soares Lopes (26), munisipiu Dili hato’o aspirasaun katak hanesan joven iha esperansa ba futuru liu-liu ba Prezidente foun, tenke harii paz, tenke ukun povu tomak atu labele hare ba kor no hakuak povu hotu.
