Home Notisia Dezafiu Lejizlasaun Investimentu iha TL, CCI-TL Hasoru Prezidente Horta, Koalia Konaba Politika...

Dezafiu Lejizlasaun Investimentu iha TL, CCI-TL Hasoru Prezidente Horta, Koalia Konaba Politika Protesaun Ba Investor Estranjeiru

1152
0
Presidente Câmara Comércio Industria Prezidente (CCI-TL), Jorge Manuel de Araújo Serrano,(Foto-Media PR).

Reportajen Filomena da Conceição

Dezafiu Lejizlasaun ba investimentu iha Timor-Leste, Presidente Câmara Comércio Industria Prezidente CCI-TL, Jorge Manuel de Araújo Serrano,  hasoru malu ho Presidente da Repúblika (PR) José Ramos Horta,  mai rona Xefe Estadu nia hanoin, hodi  bele hadi’a dezafiu sira ne’e, atu  nune’e Investedóres sira iha rai liur no rai laran bele halo investimentu iha Timor-Leste.

“Ohin ami ko’alia mós kona-ba dezafiu ba investimentu iha Timor Leste liga ho lejizlasaun, iha problema balun ne’ebé ohin Xefe Estadu ko’alia di’ak loos kona-ba polítika protesaun no mós barreira sira ne’ebé implika investor estranjeiru no mós nasionál atu bele halo investimentu”, dehan Prezidente CCI-TL Jorge Serano ba Jornalista sira, Bainhira remata enkontru ho Presidente da República José Ramos-Horta, Palácio Presidensial Bairo-Pite, tersa 16/04.

Nia esplika, enkontru ida ne’e realiza tanba pedidu husi Prezidente Repúblika ba CCI-TL atu enkontru regular no trimestrál, tanba Xefe Estadu hakarak rona setór privadu no emprezáriu sira iha partisipasaun dezenvolvimentu nasionál, dezafiu saida mak emprezáriu sira hasoru, problema, progressu iha dezenvolvimentu ekonómia ligasaun setór privadu sira nian ba iha OMK, ASEAN, CPLP.

“Ha’u hanoin enkontru  ne’e furak tebe-tebes, Xefe Estadu rona ami nia hanoin no ami mós rona Xefe Estadu no la sai husi kontestu Timor ne’ebé ita hotu-hotu preokupa, hakarak hadia ita nia rain ida ne’e, atu kontribui ba ita nia rai no fó empregu atu mais motiva investimentu no hasa’e produsaun iha rai laran nune’e ita bele iha sustentabilidade ekonómia iha ita nia rai laran,”Nia esplika.

Nia  esplika liu tan katak, maibé problema lejizlasaun sira troka ona ideia ho Presidente  República nune’e mos sira simu ona informasaun natoon husi Presidente da República, ho ida ne’e parte CCI-TL mós sei komunika ho autoridade kompetente hodi bele solusiona problema lejizlasaun iha TL.

“Prezidente Repúblika hatene di’ak problema lejizlasaun sira ne’e tanba ne’e ohin ami troka ideia no iha informasaun naton atu bele ajuda ami hodi komunika ho autoridade kompetente hodi solusiona problema lejizlasaun ne’ebé sai dezafiu ba investór iha Timor Leste,” nia dehan.

Print Friendly, PDF & Email

LEAVE A REPLY

Please enter your comment!
Please enter your name here