Home Notisia GMPTL Relata Kazu VBJ Iha Ainaro Total 19 Hosi Janeiru-Agusto 2020

GMPTL Relata Kazu VBJ Iha Ainaro Total 19 Hosi Janeiru-Agusto 2020

442
0
GMPTL iha plenaria Parlamentu Nasional. [Foto: Media PN | 05.01.2021]

Reportazen Francisco JDA

Parlamentu Nasionál (PN) hala’o reuniaun ba agenda no 235/V/(3) hodi fo mos biban  ba Grupu Mulher Parlamentu Nasionál Timor Leste ( GMPTL) hodi relata relatorio fiskalizasaun GMPTL  iha municipiu Ainaro kona ba violnsia bazeia ba jéneru (VBJ) no violensia domestika, abuzu sexual no kazu insestu

Deputada Gabriela Alves nudar relatora GMPTL iha intervensaun hateten katak hafoin hala’o vizita ba iha centro saúde municipiu Ainaro, ofisiál ne’ebé atende ba kazu violensia bazeia ba jéneru, violensia domestika, abuxu sexual, violensia sexual no insestu no kazu abandona labarik, difikulta tebes ofisiál sira atu halo prosesu investigasaun tanba fatin la seguru.

Nia relata katak Parte Unidade Polísia Vuneravel ( VPU)  informa katak, hosi fulan Janeiru to’o Agusto 2020 kazu violensia bazeia ba jéneru hamutuk 19 no Violensia  domestika iha 5, abuxu Sexual 2 no kazu insestu ida no restu mak abandona labarik.

Nia hatutan ba kazu insestu autór dadaun ne’e iha ona prizaun preventive, hodi hein prosesu julgamentu

Deputada Gabriela Alves reforsa tan kona ba kazu abandona labarik nia aman sira, rensposavel de’it ba fulan rua, depois la responsabilidade nudar dezisaun hosi tribunal tanba ne’e husu atu reforsa lei hodi aman sira bele responsabilidade ba oan sira tuir lei ne’ebé iha.

Iha fatin hanesan Deputadu CNRT, Bendita Magno iha intervensaun husu GMPTL nian papel rezolve problema feto pursentu hira ona? kuandu hare feto ho feto halo diskriminasaun ba malu, mane halo diskriminasaun ba feto katak iha buat balun ne’ebé iha uma laran seidauk resolve no husik hela maibé resolve fali fatin seluk no papel GMPTL kontinua buka nafatin atu resolve ba problema feto ho feto ne’ebé iha diskriminasaun ba malu no presiza imparsialdade atu resolve

LEAVE A REPLY

Please enter your comment!
Please enter your name here