Home Notisia Loron 8 Janeiru MSSI Hahu Halo Pagamentu Ba Reklamante Hamutuk 12.597

Loron 8 Janeiru MSSI Hahu Halo Pagamentu Ba Reklamante Hamutuk 12.597

1627
0
MSSI hamutuk ho MAE halo konfrensia imprensa. [Foto: Santina Lucia da Costa | 05.01.2021]

Reportazen Santina Lucia da Costa

Numeru reklamante antes ne’e iha 15.764 maibé depois halo fali verifikasaun ba lista tun dadus ba 12.597“. Diretor Jeral MAE

Ministériu Solidariedade Sosial no Inkluzaun(MSSI) ho Ministériu da Administrasaun Estatal (MAE) informa ba pùbliku katak pagamentu apoiu monetariu ba agregadu familiar, partikularmente ba sira ne’ebé tama iha lista reklamante sei halo iha loron 8 Janeiru, iha teritoriu tomak.  Fahe Pagamentu ne’e, sei halo iha Munisipiu Dili durante loron neen, no Munisipiu sira seluk durante loron haat.

Liu hosi konferensia imprensa, Vice-Ministra MSSI Interina Signi C. Verdál informa katak reklamante hamutuk 12.597, kada ema sei simu sira nia osan $200. Governu aprova tiha ona osan Miliaun $2.519,400.00 ne’ebé koresponde ba numeru ne’ebé haktemin.

Vice-Ministra Signi C. Verdál informa mos katak montante osan refere inklui pagamentu ba reklamante sira iha Rejiaun Administrativa Espesiál Oé-cusse Ambeno (RAEOA) maibe tanba teritoriu RAEOA tomak iha hela lockdown, ho nune’e pagamentu ba reklamante sira iha Oe-cusse sei hein to’o lockdown remata.

Nia dehan MSSI nia ekipa pagamentu sei to’o iha suku sira ne’ebé iha rejistu reklamante. Sira sei desloka iha dia 7 Janeiru. Nune’e husu nafatin ba lideransa komunitaria, autoridade lokal ho PNTL atu apoiu ekipa ne’e nia servisu to’o hotu.

Signi C. Verdál akresenta ba benefisiariu sira ne’ebé ho rendimentu liu dollar $500 maibé simu liu ona osan $200 ne’e, favor ba depozita lalais iha sukursal BNCTL nian iha Suku hotu.

“Favor halo tuir sirkular ne’ebé fó sai tiha ona iha loron 17 Dezembru 2020 kona-ba Mekanismu Redepozitu Apoiu Monetariu ba Agregadu Familiar nian”, hateten Vice Ministra MSSI, iha salaun MSSI, 05/01.

Vice MSSI ne’e mos husu ba organizasaun sosiedade sivil, Provedor Direitos Humanos e Justica ho Komisaun Anti-korupsaun atu kontinua apoiu tau-matan ba programa ida ne’e.

Nia hateten bainhira halo pagamentu ba reklamante sira, ita nafatin tuir protokolu Ministeriu Saude nian, distansia sosial metru ida, uza maskra, fasé liman ho sabaun. Ita serbisu hamutuk ho Ministeriu Saude, sira mós hola parte hotu iha ekipa ida ne’e, nafatin kontrola tanba ita iha faze Estadu Emerjensia nia laran.

“Hau hakarak aproveita momentu ida ne’e, hodi husu populasaun tomak atu kontinua vizilansia total. Kumpri avizu sira ne’ebé ita nia Ministériu Saúde fó sai ona. Fasé liman, uza maskára, distansia sosial”, apela Vice-Ministra MSSI Interina, Signi C. Verdál ba jornalista sira.

Iha fatin hanesan, Diretor Jeral Ministru Administrasaun Estatal (MAE), Sebastião Pereira, afirma numeru reklamante antes ne’e iha 15.764 maibé depois halo fali verifikasaun ba lista tun dadus ba 12.597.

Nia esplika katak dadus sira ne’e haruka fila-fali ba suku, depois dadus rekolla hotu, suku sira halo verifikasaun hodi hato’o ba Estatal no haruka ba MSSI. Lista final hetan 12.597.

“Hau hanoin katak dadus 12.597 ikus mak ne’e ona, tanba dadus sira ne’e mai husi suku sira, sira mak hatene sira nia ema, ema ne’e simu ona osan ka lae, no nia hela duni iha ne’eba ka lae,  tanba ida ne’e ema la barak ona, ita mos bele garante distansia sosial tanba ema uituan de’it ona laos hanesan pagamentu iha inisiu ema barak”, hateten Diretor Jeral MAE

Nune’e Diretór Jeral MSSI em Ezercicio, Florencio Pina Dias hateten viatura ba prosesu pagamentu agora nian hamutuk 76, MSSI hetan apoiu husi patrimoniu estadu hamutuk 51, MSSI iha transporte rasik iha kada Munisipiu ida hamutuk 12, inklui RAEOA no sei apoiu tan transporte husi MSSI atu kompleta transporte hotu presija pagamentu.

“Ita iha ona kordenasaun ho patrimoniu estadu, horseik kuaze metade husi kareta ne’ebé ita presija sira update mai ona ho naran motorist kompletu, parte finansas kompleta ona sira nia dokumentus balun ne’ebé relevante para depois loron 6 janeiru asuntu tekniku remata, loron 7 janeiru 2021 aranka ba Munisipiu, loron 8 J

Janeiru 2021, Xefe suku foti osan iha banku kontinua halo kedas pagamentu.” Hateten Florencio Pina Dias.

Print Friendly, PDF & Email

LEAVE A REPLY

Please enter your comment!
Please enter your name here