Home Notisia Koresaun-Komunidade Bairo Karegatiru Halerik Ba Bee Moos, Branco: Ukun-an Besik 20 anos...

Koresaun-Komunidade Bairo Karegatiru Halerik Ba Bee Moos, Branco: Ukun-an Besik 20 anos Sei Iha Problema

1358
0
Deputadu Fretilin, Francisco Branco. [Foto: Francisco | 17.08.2021]

Reportajen Francisco JDA

Bee móos nu’udar nesesidade bázika ne’ebé importante, ba ema nia moris loron loron, bainhira ema ida la asesu bee moos, maske Konstituisaun garante ema hotu iha direitu atu asesu bee moos ba moris saudavel.

Dadus hosi La’o hamutuk hatudu katak, ema ne’ebé responsavel ba kuru bee moos ne’e mak feto iha 67% no mane iha de’it 33%, maski nune’e Orsamentu Jerál Estadu (OJE), 2020 tau orsamentu ba bee moos no saneamentu  ho $7,405 ba bee moos no saneamentu $ 1,079 ,maibé realidade iha terenu bee moos kontinua susar ba komunidade sira atu asesu.

Tuir Deputadu FRETILIN, Francisco Miranda Branco ba jornalista sira hatete, bee mós ne’e nesesidade primária esensiál maibé komunidade balun iha bairo Karegatiru, suku Lahane Occidental kontinua halerik ba bee moos

“Ida ne’e ha’u sente, bainhira populasaun hosi Karegatiru, besik Maufelu nian sira telefone ho tanis, tanba labele permite depois 20 anos, ita nia populasaun sira sei iha difikuldade asesu ba bee moos iha sidade kapitál,” hatete Deputadu FRETILIN Francisco Miranda Branco iha Parlamentu Nasionál ( PN) 17/08

Deputadu ne’e subliña tan, asaun atu adia ne’e mak media mós iha responsabilidade atu hato’o informasaun, maibé hakarak deklara katak governu tinan ida ne’e ho kalamidade no dezastre Naturais, no Covid-19 konserteza nia labele halo milagre atu resolve problema maibé tenke halo antendimentu

Nia dehan, lolos ukun an besik  20  anos,  bee mós resolve ona, maibé sei hasoru problema, nune’e rai ida ne’e se mak ba kuru bee ne’e feto, entaun feto mak ba kuru bee, hili ai, buat hotu feto, mane hein de’it.

Antes ne’e, Neon Metin mós ko’alia ho Diretór Operasionál no Manutensaun Bee Timor Leste, Joao Madeira informa katak, bainhira hasoru kalamidade Bee, Timor-Leste hasoru problema boot, entaun kanu ne’ebé oferese ba Bee moos , kuaze maioria hetan estragus, nune’e iha Dili 10% de’it mak iha bee moos, 90% estraga totál maibé ho polítika bee Timor-Leste  hadia no halo  upstream bee moos nune abastese kuaze 45% ba Dili no estabele tanke kuaze 108 ne’ebé instala ba aldeia por aldeia.

Nia dehan kuaze 45% ne’e hadia bee mós iha Dili, maibé Bee Timor-Leste kontinua adia sistema ba sistema iha Timor Laran tomak.

Print Friendly, PDF & Email

LEAVE A REPLY

Please enter your comment!
Please enter your name here