Home Notisia Loron FALINTIL, FFDTL Sei Realiza Tour FALINTIL Haleu Timor

Loron FALINTIL, FFDTL Sei Realiza Tour FALINTIL Haleu Timor

144
0
Maijor Jeneral, Lere Anan Timur. [Foto: Santina Lucia da Costa 30.07.2020]

Reportazen Santina Lucia da Costa

Xefe Estadu Maior Jeneral FALINTIL Forsa Defeza Timor-Leste (F-FDTL), Maijor Jeneral, Lere Anan Timur halo enkontru regular ho Prezidente Republika, Dr.Francisco Guterres Lu-Olo, hodi informa situasaun rai laran no atividade forsa armadas ne’ebe foka ba 20 Agustu 2020,  nudar loron Nasional FALINTIL.

“Loron 20 Agostu besik ona,  FALINTIL halo 45 anos ezistensia, ami iha eventus balun ne’ebe atu halo, hau relata ida ne’e ba Prezidente Republika, primeiru eventu mak tour FALINTIL 2020, tour ne’e militar sira ho ofisiais lao haleu Timor, sai husi Kuarter Jeneral, kalan ba toba iha Bobonaro, komemora 20 Agustu hamutuk ho ita nia komunidade, ita nia ema rezistensia ninian,”informa Maijor Jeneral, Lere Anan Timur, ba Jornalista sira iha Palasiu Prezidensial, Nicolau-Lobato, Aitarak Laran, loron, 29/7.

Maijor Jeneral Lere Anan Timur dehan Tour FALINTIL ne’e mos, sei halo asaun solidariedade, fo buat ruma ne’ebe ita nia komunidade presiza, liuliu nesesitariu sira hanesan, foos, mina, depois halo reflesaun konaba 20 Agustu.

Nia informa loron 9 Agostu 2020, sai husi Bobonaro, liu Suai lao liu ba toba iha Betano, Bobonaro simboliza rejiaun 4, Betano Simboliza rejiaun 3, ne’e mos programa ba nafatin. Iha loron 10 Agostu 2020 ba Kraras, simboliza rejiaun 2, no refleksaun konaba 20 Agostu.

Lere hatutan depois loron 11 Agostu 2020 sai husi Kraras, ba toba iha Ilomar, ba iha ne’eba mos ajenda nafatin depois loron 12 Agustu ba Lospalos.

Eventu refere  sei organiza hosi F-FDTL hamutuk ho Konsellu Veteranus, Ministeriu asuntu Veteranos no sei koordena ho Ministeriu Estatal para bele organiza fatin sira. Ba loron FALINTIL nian ba tinan ida ne,e governu aloka orsamentu $100 mill.

LEAVE A REPLY

Please enter your comment!
Please enter your name here