Home Saude Moras Diarreia Iha Klínika Bairo Pite Iha 107 Maioria Labarik Ki’ik,  no...

Moras Diarreia Iha Klínika Bairo Pite Iha 107 Maioria Labarik Ki’ik,  no Aimoruk Antibiótika, Ipertensaun no Diabetes La iha

1257
0
Jornalista Neon Metin halo entrevista ho Diretór Klínika Bairo Pite Inacio dos Santos. [Foto: Emerencia | 10.01.2024]

Reportajen Juvinal Cabral dos Santos

“Dezembru nia laran ne’e moras Infeksi Saluran Pernapasan Akut iha lingua Indonesia (ISPA) mak numeru boot liu kuaze 3 mil, tuir mak moras kulit no moras diarreia ne’e 107 maioria labarik ki’ik aimoruk antibiotik hodi tratamentu ba labarik sira ne’e la iha,  husi Dezembru kazu pozitivu denge labarik ida no tama mai Janeiru iha kazu denge ida tan bebe idade fulan tolu ita Paracetamol sarope la iha entaun transfer labarik sira ne’e ba HNGV, temporáriu agora la iha pasiente baixa iha klínika ne’e, pasiente sira mai halo tratamentu konsulta de’it”

Diretór Klínika  Bairo Pite Inacio dos Santos hateten, taka sai avizu ne’ebé fó ba públiku kona-ba stock aimoruk menus, tanba semana kotuk liu ba, pasiente sira mai istória malu ka hakilar ho pesoál saúde, pasiente sira dehan rona husi media katak aimoruk iha, tanba saida la fornese ba sira, ho ida ne’e mak enfermeiru/a sira mai hato’o ba jestór sira, nune’e fo sai avizu ba públiku katak stock aimoruk medikamentu menus duni, la’os farmasista no pesoál saúde sira mak lakohi  fornese.

“Husi dadus ne’ebé mak ita iha 44 items ne’e stock hotu, 30 items hanesan ne’e mak iha stock limitadu, ita nia medikamentu sira ne’ebé ha’u temi ne’e mesak esensiál de’it hanesan antibiotik, inklui tratamentu aimoruk ba ipertensaun, kolesteról no diabetes sira ne’e mak stock out ka la iha, dehan Diretor Klinika  Bairo Pite, Inacio dos Santos ba jornalista Neon Metin iha nia servisu fatin, Tersa 09/01/2024”.

Diretor ne’e hatutan iha semana kotuk soru mos la iha pasiente balun transfer ba HNGV la tau soru, inklui mos fasilidade diagnostiku atu hasai ran teste mos la iha, difikuldade tebes ba pesoal saude sira atu halo servisu tratamentu ba pasiente sira

Nia Konta daun suku mos la iha sira haruka pasiente tenke sosa  iha mediku espesialista nain rua hodi tratamentu ba pasiente sira balun mai ho kanek labele suku, balun atu halo operasaun labele  tanba lidocaine anastesia lokal mos la iha ‘grasas deus’ Sira haruka pasiente balun halo tuir no sosa duni sasan hirak ne’e

Diretor ne’e husu ba Ministra Saude no Vise Ministru, bele aselera lalais prosesu ba fornesimentu medikamentu ba populasaun barak hein aimoruk, problema boot bainhira pesoál médiku sira servisu la iha fasilidade diagnóstiku, oinsa bele halo tratamentu ba pasiente sira.

Print Friendly, PDF & Email

LEAVE A REPLY

Please enter your comment!
Please enter your name here