Home Notisia CIJK Husu Familia Hosi Nain 5 Ne’ebe Positivu Lalika Paniku, Dr. Rui:...

CIJK Husu Familia Hosi Nain 5 Ne’ebe Positivu Lalika Paniku, Dr. Rui: Kontaktu Sira Para Oan Sira Kontente

280
0
Portavoz CIJK, Dr. Rui Araujo. [Foto: Francisco JDA | 14.04.2020]

Reportazen Zevonia Vieira

Relasiona ho numeru konfirmadu positivu Covid-19 ne’ebe aumenta tan 2 iha loron 14 Abril no total nain 5 mak agora iha fatin izolamentu Vera Cruz, hodi hetan observasaun hosi mediku no infermeira sira.

Ho situasaun ida ne’e liu hosi Centru Integrau Jestaun Krize [CIJK], ba jornalista sira portavoz Dr. Rui apela ba familia sira ne’ebe agora dadauk oan sira konfirmadu no halo  hela tratamentu iha fatin izolamentu, atu nafatin halo kontaktu ho sira no enkoraza oan sira.

“Apela ba familia sira nia oan ne’ebe mak konfirmadu ona, maioria familia sira akompanha halo favor lalika paniku, fo konfiansa nafatin ba governu, iha kazu ida ne’e Ministeriu Saude fo atensaun makaas tebes ba sira. Iha era digital ne’e telephone fungsiona, sosial media fungsiona halo favor kontaktu nafatin sira, sira mos sei kontente nafatin bainhira familia sira kontente, akompanha sira no enkoraza sira”, hateten Dr.Rui iha CCD, 14/02.

Dr. Rui hatutan Ministeriu Saude [MS] hahu hare ona posibilidade atu harii rede apoiu psikolojiku ida, hodi nune bele fo apoiu ba sira.

“Fator positivu ba sira ne’e hotu mak idade hosi 60 anos mai kraik no maioria la hatudu sintomas signfika agora sira la mear, la isin mana, kakorok la moras no sira deskansa no tau ses oituan iha fatin ketak ne’ebe bolu izolamentu, atu sira labele hadaet moras ne’e tutan ba ema seluk. Ita presiza akompanha sira no enkoraza nafatin sira, atu nune’e iha semana ida ka rua oin mai ita bele halo fila fali ezame hodi hare, se sira negativu dala rua tutuir malu entaun sira bele hahu fila ba uma ona”, hateten Dr. Rui

LEAVE A REPLY

Please enter your comment!
Please enter your name here