Reportajen David Da Costa
Provedor Direitu Humanu no Justisa (PDHJ) konsidera, estadu seidauk hakonu direitu povu ninia, tanba estadu seidauk hala’o ninia obrigasaun tuir konstitusaun artigu 6 nian, ne’ebé hateten katak estadu iha obrigasaun atu hadi’a povu nia moris garante igualidade ba ema hotu.
Liuhusi konferensia imprensa Provedor Direitu Humanu no Justisa (PDHJ), Virgilio Da Silva Guterres “Lamukan”, dehan hakarak hateten ho laran sura, infelizmente estadu seidauk hakonu povu nia direitu, ida ne’e sei dook tebtebes husi espektativa povu ninia. Tanba povu barak sei halerik hela ba iha setor saude, edukasaun, agrikultura no setor importante sira selu.
“Ita labele nega katak ita nia povu iha Dili no Area rual barak maka sei moris iha dejesperu iha tinan barak nia laran,” dehan, Providor Direitu Umanu i Justisa, Virgilio Da Silva Guterres “Lamukan” liuhusi konferensia imprensa iha edifisiu PDHJ Kaikoli, Kinta 29/08.
Tanba Povu iha direitu atu asesu ba iha setor saude, edukasaun, agrikultura, justisa no setór importante sira seluk. Maibé estadu seidauk hakonu direitu espetativa povu ninia ida ne’e, liuliu estadu seidauk hala’o ninia obrigasaun tuir konstitusaun artigu 6 nian, ne’ebé hateten katak estadu iha obrigasaun atu hadi’a povu nia moris garante igualdade ba ema hotu, ida ne’e estadu seidauk to’o iha ne’ebá. tanba sira konsentra barak liu iha jestaun politika, interese politiku ninia.
Ho ida ne’e, hanesan Provedor ne’ebé maka hala’o mandatu konstitusionál nian, hakarak atu apela ba ukun na’in sira ne’ebé maka kaer ukun. Iha tinan XXV anos ona, komemora 30 agostu loron referendu ninian ne’e, halo reflesaun ba empeñu servisu.
Tanba ne’e husu ba ukun na’in sira hala’o servisu tuir juramentu ne’ebé halo bainhira simu tomada de pose ne’e. Atu serví povu ho dedikasaun, serví povu ho imparsialidade, serve povu laho diskriminasaun bazeia ba rasa no bazeia ba jéneru ka bazeia ba orientasaun sexual.
Iha tina 25 governate sira tenke konsentra oinsa atu hadi’a povu nia moris, liu-liu iha setór saúde, edukasaun, agrikultura no setór importante sira seluk tan.
