Home Notisia MCAE Halo Enkontru Hare Medidas Ne’ebe Presiza Halo Ba Impaktu Ekonomia Hasoru...

MCAE Halo Enkontru Hare Medidas Ne’ebe Presiza Halo Ba Impaktu Ekonomia Hasoru Covid-19

301
0
Ministru Koordenador Asuntu Ekonomia Fidelis Leite Magalahaes. [Foto: Francisco JDA | 14.04.2020]

Reportazen Francisco JDA

Ministerio Koordenador Asuntu Ekonómiku (MCAE)  halo enkontru ho membru governu no Governador Banku Central hodi partilha hanoin kona ba situasaun no hare ba sosio ekonómiku iha Timor Leste.

Ministru Koordenador Asuntu Ekonomia Fidelis Leite Magalahaes haktuir ba jornalista sira katak, enkontru ne’e atu hare medidas ne’ebé governu halo no impaktu ekonomia hasoru Covid-19.

“Ohin iha aprezentasaun tekniku sira aprezenta prekupasoes ita hotu nian kona ba situasaun liu-liu agora, tanba Covid-19 sira iha surtu ruma karik, ita hatene impaktu ne’e oinsá impaktu ne’e at sei iha. Estadu tenke  konsidera pontos prinsipál hirak nee, iha medidas atu preve no antisipa ona saida mak akontese iha tempu oin mai”, tenik Ministru Koordenador Asuntu Ekonomia Fidelis Magalahaes iha Kolmera, 14/04

Fidelis Magalahaes hatutan resultadu hosi enkontru ohin katak aban sei iha reniuan hosi Konselho Ministros (KM) medida ne’ebé governu hanoin ne’e sei aprezenta ba Konseilho Ministru.

Relasiona ho Fos, ne’ebe atu aloka mai Timor-Leste, Fidelis informa katak fase administrative hotu ona no faze preparitivus la’o hela. Ministeriu Negosio Estranjeiru no Kooperasaun (MNEK) mak kontaktu ho paíz sira ne’ebé aloka fos ne’e no iha dalan atu asesu ba fos ne’ebé faan, MNEC konfirma katak iha ona resposta positivu hosi paises tolu ou haat no organizasaun Internasionál ida prontu atu apoio wainhira iha nesesidade.

“Detalhas ne’e so sai bainhira ita assina hahú prosesu importasaun sasán mai porenkuantu seidauk, ha’u hanoin prosesu la’o hela, MNEK mak ko’alia kona ba ida ne’e tanba ami hanesan Ministeriu Turizmu Comersiu Industria (MTCI) buat ne’ebé mak ha’u tenki halo mak imforma ba MNEC, katak ita nia stock rai laran la too, ita presiza atu hetan asesu hosi merkadu rejionál ou internasionál”,  tenik MCAE Fidelis Leite Magalahaes.

Fidelis informa katak nia parte husu MNEK bele ko’alia ho paíz sira no esesaun mai Timor Leste no Paises sira seluk tan ne’ebé seidauk halo aprosimasaun, atu bele konsidera no faan fos mai Timor no MNEK halo tiha ona ida ne’e, maibé la taka dalan ba atividade komersiál atu la’o.

Print Friendly, PDF & Email

LEAVE A REPLY

Please enter your comment!
Please enter your name here