Home Notisia Motorista António: Servisu COVID-19, Kondisaun Ba Ami La Iha, Perdiem $20 Deit

Motorista António: Servisu COVID-19, Kondisaun Ba Ami La Iha, Perdiem $20 Deit

2570
0
Motorista Ministeriu Finansas, Antonio da Costa Oliveira (Foto: Frans JDA)

Reportajen Francisco JDA

Relasiona ho surtu Covid-19 ne’ebe dadaun ne’e akontese ihaTimor-Leste, ho kazu positivu sae ona ba ema nain 5. Surtu Covid-19 ne’e halo ema tauk,  nune’e ema barak komesa ona hahú prevene an liu hosi distansia fiziku, tau maskara no fase liman beibeik. Maibé laran triste tebes bainhira motorista ida ne’ebé tula pasajeiros sira la iha ekipamemtu ne’ebé sufisiente atu bele utiliza bainhira tula pasajeiros sira hosi Mota-Ain mai Otel sira iha Dili laran.

Tuir Motorista hosi Ministeriu Finansas, António da Costa Oliveira, ba jornalista sira katak, bainhira nia parte tula pasajeiros sira koko sorte de’it, tanba ba mak tula sala ema positivu signifika katak risku boot no bele daet mai hau.

“Husu ba boot sira ne’e tau matan netik ba ami sira be Motorista, ne’ebé tun lansung ba tula ema ne’e mais ou menus prepara netik buat ruma para ami ba ne’e fiar an netik. Buat ne’e mai hanesan ita la hatene,  boot sira ko’alia katak hanesan funu ida be la hare, ne’e agora kondisaun ba ami mós la iha liu. Ita dehan prevene, mais prevensaun ba ami la iha liu ne’e, ko’alia kasar de’it karik ami ne’e hanesan kelinci percobaan,” tenik Motorista iha CCD, 14/04.

António mos dehan, foun foun harii Centru Integradu Jestaun Crise (CIJK ) ne’e la iha ekipamemtu hanesan maskara foin ko’alia ne’e mak iha atu bele prevene an no hahú ne’e ema hotu lakohi mai no nain 8 de’it.

“Ami tula ne’e hosi Mota-ain lori mai otel sira ne’e kada ves kalan. Balun moras sira ne’e karik ita nia komandante sira ne’e haruka ami tula, mais buat tuir loloos ne’e ami tula ema hosi ne’ebá mai, maibé tula fali hosi hotel ne’e lolos Ministeriu Saúde tenke hatene ida ne’e, tanba iha ambulansia atu tula ne’e. Kolega nain rua ba duni Otel katuas maibé la konsege tula, ” tenik Motorista António da Costa.

António salienta liu tan, foun foun mai sei tur hamutuk ko’alia ba malu di’ak maibé depois de ba tula pasaseiros iha batas ne’e diskrima iha ona,maibé  tanba nu’udar Timor oan mak ba ne’e sé la’ós Timor oan se mak atu ba tula maibé nafatin esforsu an,

“Momentu ami mai ne’e ami lahatene atu tula buat sira hanesan ne’e. Ministeriu saúde mak iha kompentesia atu tula buat sira ne’e. Foun foun ami ba tula ne’e ulun fatuk moras no perdiam ba ami ne’e ulun tun ai sa’e. Foufoun $ 40 tun fali ba $20 depois sira dehan iha tempu badak sei tun tan ba $10 agora ne’e $20 dólar “ katak Motorista António da Costa Oliveira.

Print Friendly, PDF & Email

LEAVE A REPLY

Please enter your comment!
Please enter your name here