Reportajen Zevonia Vieira
Estadus Unidus liuhosi Portavóz Ministériu Negósiu Estranjeiru EUA, hato’o deklarasaun hodi kongratula Timor-Leste, ba Timoroan nia Eleisaun Parlamentáer ne’ebé la’o ho transparente, justu no livre, ho Timoroan atus ba rihun ne’ebé mak ezerse ona sira nia direitu, ho dame no hato’o sira nia lian. Bele haree deklarasaun detallu iha link ida ne’e
Liuhusi media release ne’ebé Neon Metin asesu, Portavoz Ministériu Negósiu Estranjeiru EUA, Matthew Miller hateten Estadu Unidus kongratula Timor-Leste ba ninia eleisaun parlamentár.
“Ami elojia timoroan sira nia autoridade ne’ebe administra ona sira nia votu ho dame no hato’o sira nia lian”, dehan Matthew Miller, 23/05/2023
Nia hatutan Eleisaun ida ne’e reflete povu Timor-Leste nia kompromisu ba prosesu polítika ne’ebe dame no demokrasia, no globalmente serbí nu’udar inspirasaun ida ba demokrasia.
“Ami nia esperansa katak lider foun ne’ebe eleitu, susesu iha sira nia jornada ba serbí Timor-Leste no ninia povu sira, hodi harii sosiedade ne’ebe seguru, inkluzivu no prósperu”, dehan Matthew
