Home Notisia Primeira Vez Estadu Timor ho Japaun Halo Akordu, Haruka Timor-oan Servisu iha...

Primeira Vez Estadu Timor ho Japaun Halo Akordu, Haruka Timor-oan Servisu iha Japaun Tinan 3

4692
0
Traballador atu ba Japaun. [Foto: Agustinha | 14.09.2023]

Reportajen Agustinha Amaral

Sekretáriu Estadu Formasaun Profisional no Empregu (SEFOPE) Rogerio S. Mendonça hateten, sente orgullu tebes tanba pela primeira ves Estadu Timor-Leste ho nasaun Japaun liu hosi kompañia KOCHI halo akordu ida hodi haruka traballador Timor-oan liu hosi programa Technical Intern Trainer (TIT) iha Japaun ho durasaun tinan tolu.

Sekretáriu Estadu ne’e hatete, wainhira traballador sira hatudu vontade servisu di’ak sei servisu ho durasaun to’o tinan tolu, maibé hatudu komportamentu la di’ak mak sei hapara vistu servisu nian, tanba ida ne’e hanesan primeiru pilotu.

“Ba oin merkadu iha entaun governu tenki kria sentru formasaun hodi bele responde ba merkadu, tanba agora ita iha sentru formasaun 4 hanesan sentru formasaun Queshadip, Bebobuk, Suai no ne’e mak fornese traballadores 14, maibé ida retira, 13 mak agora ba no faze dahuluk na’in 7 no tuir mai na’in 6,” hateten Sekretáriu Estadu SEFOPE ba jornalista iha salaun SEFOPE Caicoli, Dili, kinta, (14/09).

Nia akresenta agora da-dauk munisípiu 13 ne’e sira vijita hotu ona atu nune’e bele kria tan sentru formasaun iha munisípiu sira hanesan lian Korea, Ingles no Japaun.

Iha fatin hanesan traballadora Ines M. Martins hatete, nia senti kontenti tebes tanba hetan ona oportunidade ida ne’e maske nia prosesu ne’e kleur maibé nia nafatin mantein hodi hein oportunidade, nia agrdese ba governu Japaun ho governu Timor-Leste, ba maluk Timor nomos nia inan-aman no familia sira hotu.

“Hanesan ita Timor-oan iha ne’e ita nia dezenvolvimentu ladun di’ak, ha’u la promete karik  ida ne’e ha’u bele duni, ha’u sei dezevolve hau nia rai doben Timor-Leste, ha’u nia inan-aman hanesan ai-leba, ha’u hakarak atu ba servisu iha Japaun lori sustenta ha’u nia inan-aman no familia sira hotu,” dehan nia.

Nia dehan, durante kursu lian Japaun, difikuldade ne’ebé nia hasoru mak inan-aman laiha ekonomia sufisiente hodi tulun nia, liu-liu selu osan bemo hodi ba mai kurus. “Durante ha’u kursu suporta ha’u husi ha’u nia inan-aman rasik no bin ho maun,” hakotu nia.

Print Friendly, PDF & Email

LEAVE A REPLY

Please enter your comment!
Please enter your name here