Home Notisia Konsellu Ministru Haruka Polisia Sira Hetan Reforma Iha VIII Governu Fila Fali...

Konsellu Ministru Haruka Polisia Sira Hetan Reforma Iha VIII Governu Fila Fali Ba PNTL

1409
0
Primeiru Ministru, Xanana Gusmao. [Foto: Filomena | 14.09.2023]

Reportajen Filomena da Conceição

Relasiona ho Komandante Polisia Nasional Timor-Leste (PNTL) ne’ebé maka hasai Polisia  nain 158 ne’ebé  latuir prosedimentu ka tuir lei ne’ebé iha,  tanba ne’e, Nonu Governu  ne’ebé lidera husi Kay Rala Xanana Gusmão liuhusi Konsellu Minístru (KM) haruka polisia sira ne’ebé hetan reforma iha Oitavu Governu Konstituisional ne’e tama fila-fali ba iha PNTL.

Primeiro Minístru (PM)  Kay Rala Xanana Gusmão, hateten, Problema la’os atu hatama fali sira, problema maka komandante PNTL hasai sira la tuir prosedimentu ka prosedur, ho nune’e mak  governu dasia ida ne’e mai atu kurizi hodi  atu hatama fali sita tuir prosedimentu ka tuir  lei ne’ebé maka iha.

“Iha prosedimentu, tinan ida mai antes nia sai tenke dehan prepara an, O atu sai, O atu reforma, agora hasai tiha derepente, como iha ona sidensaun nune’e de’it, uluk la’os hanesan ne’e, komadante bolu sira mai,  tenke asina dehan o mak hanesan ne’e, ida ne’e fora de prosedimentu,” dehan Primeiro Minístru  Kay Rala Xanana Gusmão ba jornalista sira bainhira remata enkontru ho Prezidente Repúblika JoséRamos-Horta, iha Palásio Presidensial Bairo-Pite, kinta 14/09.

Tanba ne’e mak Governo agora so para kuriji, hodi nune’e atu hatama fali sira, halo tuir prosedimentu mak foin reforma sira .

“Ha’u  halo ona reunião hamutuk ho Polisia sira iha Akademia Comoro, kona-ba komadante ne’ebé la forma iha ne’ebá no komadante mak haruka ajentes barak ne’ebé forma iha loron manas, atu halo juramentu ba khunto, maibé ha’u dehan iha ne’ebá se mak hakarak nafatin defende khunto ha’u dehan hakerek mai sai, tanba Polisia no militar independente hodi depende povu tomak,” Xanana esplika.

Nia haktuir, Problema ida ne’e la’os foin mak mai governu, tanba ne’e komandante PNTL tenke haree ba ajentes sira ne’ebé nia hasai arbiru, tanba ajente hirak ne’e hatama ona ba Tribunal, liuhusi provedores e Justiça, ho nune’e atu hasai tenke iha kazu ruma kona-ba korupsaun ka krime ruma, labele hasai nune’e de’it.

“Governu ida ne’e mai atu kuriji hahalok aat, ne’ebé akontese tanba ne’e mak husi konsellu Minístru haruka hodi hatama fila fali Polisia reformado sira, hodi se mak atu ba reforma tenke tuir prosedimentu,” nia subliña.

Print Friendly, PDF & Email

LEAVE A REPLY

Please enter your comment!
Please enter your name here