Kandidatu independente ba Prezidente Repúblika Lere Anan Timur, halo vizita ba Centro Kaixa Jeral Armajen Gerrilleiru das Falintil Bodi Boy Nagasoro iha Lalulai, suku samalari Munisipiu Baucau.
Iha vizita ne’e Lere Anan Timor hateten bainhira sai Prezidente sei marka diferensia ne’ebe mak nia halo ona iha forsa armada nia laran
Lere husu joven sira ba joven sira preokupa ba futuru, labele komete krime, inan aman atu eduka oan sira tanba sira mak futuru nasaun no husu sira atu vota ho konxiénsia
“Hau nia mensajen ba hau nia inan aman no joven hotu hakmatek, konfia imi nia an vota ho konxiénsia imi nia lider ida ne’ebe mak lori imi ba dalan diak, no mos ba inan aman eduka oan sira tamba sira mak futuru nasaun nian, joven labele halo krime, tamba dalan ne’ebe mak imi lao sei naruk, hau lakohi imi lakon imi nia futuru iha dalan, tanba iha 2027 sei entrega ba jerasaun foun mak ukun ” dehan Lere Anan Timur iha Lalulai 08/02
Iha fatin hanesan responsavel Kaixa bodiboy, Domingos Boavida hateten ema barak dehan ami hetan osan, tan nee ami apoiu Lere maibe lae! ami apoiu Lere Anan Timur ba Prezidente Repúblika atu resolve problema sira nee’be mak akontese iha ita nia rai .
