Reportajen Silvino Freitas
Prezidente Partido Congresu Nacional Reconstrucao Timor (CNRT), Xanana Gusmão ho konfiansa katak sei manan absoluta nune’e preparadu atu asume pasta primeiru ministru, hodi kontinua planu estratejia ne’ebé paradu durante tinan 6 nomós hala’o revisaun atu hadi’a rai no povu nia moris.
Prezidente CNRT Xanana Gusmão hateten, ema hotu husu atu nia ba asume hikas fali pasta primeiru ministru nian, nune’e nia simu hanesan responsabilidade ida ne’ebé boot ba povu no nasaun nian, nune’e nia mós preparadu atu ba asumi hikas pasta ne’ebé uluk nia mós asume ona ba mandatu periodu dala rua nia.
“Ha’u dehan preparadu CNRT sempre preparadu tanba iha planu estratejia 2011-2030 ne’ebé paradu hela durante tinan 6 nia laran, nune’e bele kaer no kontinua fila fali hodi hala’o revizaun di’ak oinsá bele lori rai ne’e ba di’ak hadi’a povu nia moris” dehan Xanana iha sede Suku Balibar, (21/05).
Nia dehan tan, CNRT sei manan maioria absoluta ho konfiante tebtebes tanba ne’e sei la hakuak malu ho partido seluk, tanba ne’e nia husu ba partido seluk atu ezerse direitu demokratiku ho paz no estabilidade nomós ba militante no simpatijante CNRT nian, tanba ita sei manan labele halo no simu provokasaun oioin.
