Home Notisia Lere Laiha Duvida no Prontu Kandidata-an Ba Prezidente Republika

Lere Laiha Duvida no Prontu Kandidata-an Ba Prezidente Republika

2393
0
Xefe Estadu Maiór Jenerál Falintil-Forsas Defeza Timor-Leste (F-FDTL), Tenente Jenerál, Lere Anan Timur. [Foto: Santy | 24.11.2021]

Reportajen Santina Lucia da Costa

Xefe Estadu Maiór Jenerál Falintil-Forsas Defeza Timor-Leste (F-FDTL), Tenente Jenerál, Lere Anan Timur, hateten sein duvidas no prontu kandidata-an ba Prezidente Repúblika ba 2022-2026,  karik kongresista FRETILIN Hakarak, maibe sei husu lai ba maun boot Xanana Gusmão.

Tenente Jenerál, Lere Anan Timur hateten asuntu ne’e ba jornalista sira, hafoin relata situasaun Forsas Armadas ninian, situasaun rai laran no atividade forsas ninian ba  Prezidente Repúblika, Dr. Francisco Guterres Lu-Olo, iha Palasiu Prezidensial Nicolau Lobato, Bairo-Pite, Kuarta-Feira, 24/11.

Lere Anan Timur haktuir, uluk iha ai-laran mós FRETILIN, iha komité sentrál segundu jerasaun mesak de’it ona, hamutuk maun Xanana, primeira jerasaun saudozu Mauhunu foin daudauk mate,  FRETILIN ne’e iha fuan no nunka haluha ne’e lulik, tanba kuandu sai membru komité sentrál FRETILIN ne’e, “foti hau iha hodi tahan okos, iha raan no ruin nia leten.”

“Hau hanoin katak, maluk balun husi FRETILIN ninian hakarak kandidata hau ba Prezidente Repúblika, hau hanoin katak, hau prontu, tanba hau husik FRETILIN ne’e hau laiha moral, laiha moral tanba família tomak mate ba FRETILIN, Povu Maubere mate ba Fretilin.” Hateten, Tenente Jenerál, Lere Anan.

Lere Anan dehan, agora sei asume nu’udar Komandante Forsas Armadas ninian ne’ebé seidauk, mais to’o tempu ne’ebé dehan katak, FRETILIN hakarak sein duvida, aseita kandidata-an ba Prezidente Repúblika liuhusi FRETILIN, no depois bele apoiu husi partidu sira seluk, partidu sira seluk, fiar katak, partidu rua ka tolu bele apoiu.

“Hau kandidata-an mós hau sei husu hau nia maun boot Xanana, tanba nia hau nia komandante Supremo nia hau nia superior nia aseita hau kandidata, se Xanana dehan Lere lalika hau rona kestaun konsiderasaun.” tenik, Lere.

Lere hatutan maibé Xanana tula liman ba kandidatu sira seluk hodi Kompete iha eleisaun Prezidensial, se Xanana tula liman ba Falur, Aluc, ka Maunana, ne’e konkorda, tula liman ba ema seluk ne’e, “hau dehan maun moral laiha, hau deziste ona, maun foti aas nia duké hau.”

Print Friendly, PDF & Email

LEAVE A REPLY

Please enter your comment!
Please enter your name here