Home EduTek UNICEF Ho MEJD entrega Fasilidade Prevensaun COVID-19 ba EESJ 10 de Dezembru

UNICEF Ho MEJD entrega Fasilidade Prevensaun COVID-19 ba EESJ 10 de Dezembru

195
0
MEJD ho UNICEF entrega fasilidade prevesaun ba eskolah 10 de Dezembru. [Foto: Santina Lucia da Costa | 09.07.2020}

Reportazen Santina Lucia da Costa

Ajensia Nasoens Unidas UNICEF iha Timor-Leste, entrega ekipamentu prevensaun Covid-19 ba Eskola Ensinu Sekundariu Jeral 10 de Dezembru Comoro.

Ekipamentu ne’ebe mak UNICEF entrega simbolikamente ba Ministru Edukasaun Juventude no Desportu (MEJD), Armindo Maia hateten maskra, balde, fatin Lixu no termometer entrega ba Eskola Ensinu Sekundariu 10 de Dezembru Comoro, Ensinu Baziku 10 de Dezembru no nia Filial sira.

Ministru Edukasaun Juventude no Desportu (MEJD) Armindo Maia, agradese ba apoiu husi UNICEF, tanba bele fasilita prosesu aprendizajen ba estudante no profesores sira iha ambitu prevensaun Covid-19.

“Agradese ba UNICEF ne’ebe tulun ona eskola hotu liuhusi distribuisaun ekipamentu prevensaun Covid-19 nian, fiar katak ho ajuda hirak ne’e, bele tulun ona alunu no mestri sira iha eskola ida ne’e.”dehan MEJD Armindo Maia ba Jornalista sira iha Eskola Ensino Sekundariu 10 de Dezembru Comoro, Dili, loron Kinta, 9/7.

Armindo Maia hateten hakat mai eskola ida ne’e, hamutuk ho UNICEF ho parseiru sira ne’ebe apoia ita, Ministeriu Edukasaun hamutuk ho imi ohin hala’o serimonia re-abertura eskola ida ne’e, nune’e mos bele simu sasan sira ne’e, “ita nia parseiru sira ajuda mai ita, durante fulan tolu, ita hotu sulan iha uma, ita atu hakat ba estrada mos ita tauk hela”.

Iha fatin hanesan Reprezentante UNICEF iha Timor-Leste, Valerie Taton hateten UNICEF mos kontente tebes, hodi apoia loke fila-fali eskola liuhusi kontribuisaun hodi dezenvolve matadalan sira, oferese ekipamentu hanesan balde 13.000, mak entrega Ministeriu Edukasaun ohin loron no apoiu kampanhia konsientizasaun fila-fali ba eskola.

“Hau hakarak hateten katak ita nia vijilansia tuir regurozamente matadalan sira, hato’o husi Ministeriu Edukasaun no Ministeriu Saude, ita tau hamutuk esforsu sira hodi bele garante ambiente aprendizajen seguru ba labarik sira”, hateten Valerie Taton iha nia Diskursu.

Valerie husu ba estudante sira kontinua fase liman ho sabaun no bee, pratika distansia fiziku no halo tuir protokolu, rekomenda husi Ministeriu Edukasaun no Ministeriu Saude atu prevene Virus Corona no moras sira seluk.

Entretantu Diretor Eskola Ensinu Sekundariu Jeral 10 de Dezembru Comoro, Domingos Xavio mos agradese ba UNICEF, ne’ebe serbisu hamutuk ho Ministeriu Edukasaun fo apoiu ekipamentus prevene Covid-19 ba sira.

“Hau nudar Diretor Eskola Sekundariu Jeral, hau agradese tebes ba UNICEF ne’ebe mak serbisu hamutuk ho Ministeriu Edukasaun ne’ebe mak ohin fo apoiu materiais COVID-19 nian ba iha Eskola Sekundariu 10 de Dezembru Comoro,  Ensino Baziku 10 de Dezembru no mos nia filial sira.” agradese Diretor EESJ 10 de Dezembru Comoro, Domingos Xavio.

Diretor EESJ 10 de Dezembru Comoro afirma tuir sira nia proposta ba Ministeriu Edukasaun no  UNICEF, dadus ne’ebe mak hatama husi Ensinu Sekundariu 2126 no mos ba profesores sira 73 no sala  de aula 29. Material sira ne’ebe mak lori mai tuir duni proposta ne’ebe mak ami hato’o.

LEAVE A REPLY

Please enter your comment!
Please enter your name here