Home Saude Persentajen Simu Vasina COVID-19 Sei Menus Iha Munisípiu 2, MS Husu Media...

Persentajen Simu Vasina COVID-19 Sei Menus Iha Munisípiu 2, MS Husu Media Nafatin Fahe Informasaun

80
0
Ministra Saude, Odete Maria Freitas Belo. [Foto: David | 03.05.2022]

Reportajen David da Costa Gusmao

Ministra Saúde (MS), Odete Maria Freitas Belo informa Munisipiu balun nia atenjimentu ba vasinasaun Covid-19 sei menus, ho ida ne’e husu ba media sira atu kontinua fahe informasaun ba  komunidade sira, atu nune’e sira bele mai simu sira nia vasinasaun Covid-19 nian.

“Iha Vasina ida ki’ik liu maka Munisipiu Ermera, tuir mai maka Bobonaro. Pessoal saude ne’e kontinua halo programa vasinasaun maibe agora ba fali ita nia komunidade, laos deit komunidade maibe ita hothotu iha ne’e,” dehan MS Odete ba Jornalista sira iha Ministeriu Solidaridade Sosiaál no Inkluzaun (MSSI) Kaikoli, Tersa 3/05.

Ho ida ne’e, Ministra Saúde, husu lider sira, liña ministeriais sira, nune’e mós ba media nafatin fahe informasaun ba sira, bainhira sira simu ona sira nia vasina premeira dozes ne’e, hakarak ka lakoi sira tenke simu sira nia vasina  segunda dozes ne’e, atu nune’e bele kompleta sira nia vasina hodi hasa’e sira nia imunidade.

“Ita iha premeira dozes ita atinje ona 84,6%, i segunda dozes ita nafatin manten 72,2%, tanba ita presiza prejentajen ne’e pelemenus  to’o iha 80%, no vasina ita sei iha, Astrazanca iha 200 mill ital dozes no mós Sinovac ita iha 100 mil itak dozes,” nia dehan.

Nune’e Ministerira Saúde  husu ba iha komunidade sira ne’ebé tauk tebes atu simu vasina astrazeneca laiha problema,  maibe bele ba iha Centru Saúde hodi simu Sinovac primeira doze, segunda doze no terseira doze ne’ebe reforsa nian, MS fo pifazer importante maka simu vasina para forte nafatin.

Tuir dadus husi Ministeriu Saúde (MS) konaba kobertura vasina Covid-19 iha Timor-Leste, iha premeira no segunda doze ne’e, iha Munisipiu Aileu premeira doze iha 81.1%, no segunda doze iha 65,3%, Ainaro premeira doze 82,2%, segunda doze iha 65,4%,  Baucau iha premeira doze iha 85,7%, segunda doze iha 72,7%, Bobonaro premeira doze iha 82,3%, segunda doze iha 59,2%,  Covalima premeira doze iha 95,8%, segunda doze iha 78,0%.

Dili premeira doze iha 86,6%, segunda doze iha 81,5%, Ermera premeira doze iha72,.7%, segunda doze iha 57,2%,  Lautem premeira doze iha 81,1%, segunda doze iha 67,7%, Liquiça premeira doze iha 80,6%, segunda doze iha 67,9%, Manatuto premeira doze iha 86,1%, segunda doze iha 66,7%, Manufahi premeira doze iha 86,8%, segunda doze iha 71,3%, Viqueque premeira doze iha 94,8%, segunda doze iha 83,9%, no iha  RAEOA premeira doze iha 85,0%, no segunda doze iha 73,5%.

Print Friendly, PDF & Email

LEAVE A REPLY

Please enter your comment!
Please enter your name here