Home Saude 3 Maiu, MS Rejista Kazu Dengue Foun 25, Kazu Akumulativu 4599...

3 Maiu, MS Rejista Kazu Dengue Foun 25, Kazu Akumulativu 4599 no Obitu nain 52

87
0
Ilustrasaun susuk Dengue. [Foto: Google | 22.01.2022]

Reportajen David da Costa Gusmao

Tuir dadus ne’ebe relata hosi Diresaun Nasionál Saúde Publika (DNSP) no Departamento Vijilansia Epidemiolojia Ministeriu Saúde (MS) nian iha loron 3 fulan maiu, ne’ebe neon metin asesu, ohin MS kontinua  rejista kazu dengue foun nain 25, no kazu dengue ne’e rejita ne’e  husi Municipio Bobonaro, Dili no Manufahi no labarik mate ba dengue hamutuk nain 52 ona.

“Situasaun kazu dengue Iha Timor-Leste, ohin loron dia 3 de maiu de 2022, Ministeriu Saude (MS) rejista kazu dengue foun 25 no kazu foun ne’e hosi Munisipiu Dili, Bobonaro no Manufahi, no kazu dengue  akumulativu 4599 no  obitu nain 52,” dehan iha komunikadu Imprensa ne’ebe  neon metin asesu iha Tersa ne’e.

Kazu dengue  ne’ebe  deteta husi Municipio Dili ho total 3153, Tuir tan maka Baucau 296 kazus, Municipio Manufahi kazu 174, Municipio Manatuto ho kazu 173 Lautem ho kazu 155, Municipio Covalima ho kazu 146, Municipio Ermera ho kazu 118, Municipio Liquica kazu 115, Municipio Aileu ho kazu 87, Municipio Viqueque 75, Municipio Bobonaro ho kazu 56, Ainaro ho kazu 45, no RAEOA ho kazu 6.

Em jeral kazu Dengue espalla ona iha territóriu Timor-Leste laran tomak. Iha Dezembru 2021 kazu komesa aumenta ho total 225, maibe iha fulan Abril 2021 kompara ho fulan Abril 2022 kazu barak liu ho total 700 kazus.

Nune’e distribuisaun kazu dengue semanal tuir kalendario epidemiologia, ida ne’e hatudo katak kazu  dengue aumenta kada semana hanesan iha primeira semana ho total kazu 55 no iha décimo oitavo semana kazu ho total 112. Enkuanto obito iha primeira semana 0 no iha décimo oitavo semana la relata kazu obito.

“Idade Mais afektado mak husi idade menus husi 14 anos mai kraik ho grupu edade 5 -14 ho porsento 42,1% no edade 1-4 ho persentagem 34,9%. Ho ida ne’e Attack Rate (AR) idade 1-14  anos a nivel Nacional ho 0.8%,” hateten iha komunikadu ne’e.

Iha komunikadu ne’e haktuir, distribuisaun kazu dengue tuir klasifikasaun mak Dengue Fever (DF) ho total 2337 kazu,  Dengue Hemorrhagic Fever (DHF) ho total kazu 322 no Dengue Shock Syndrome (DSS) ho total kazu 143.(klasifikasaun ida ne’e tuir matadalan IDSR versaun tuan).

Kazu dengue kontinua sae ba beibeik iha Timor-Leste, ho ida ne’e Ministeriu Saude (MS) apela ba populasaun iha Dili laran no mósiha Munisipiu sira seluk, atu aprezenta-an iha fasilidade públiku saúde (Sentru Saúde ka Ospitál) ne’ebé besik, wainhira  sente isin-manas, ka Senti laran sa’e,liman ain no sikun moras hodi bele hetan atendimentu husi profisionál saúde sira.

Print Friendly, PDF & Email

LEAVE A REPLY

Please enter your comment!
Please enter your name here