Reportajen Francisco Colo
Ministru Asuntu Parlamentár no Komunikasaun Social, Francisco M. da C. P. Jeronimo partisipa kolokiu públiku, iha komemorasaun loron mundial liberdade Imprensa ho nia tema “Jornalizmu iha Ameasa Dijitalizasaun”.
Ministru Jeronimo husu ba jornalista sira, atu adapta ho situasaun reál hanesan pontu importante, liuliu iha teknolojia Dijitál iha era Globalizasaun ohin loron ne’e, atu nafatin sai vijilansia ba poder polítiku.
Nia dehan jornalizmu haree ba teknolojia hanesan ida ne’e, atu apoiu sira nia atividade, internet ne’e lalais liu atu konsulta dokumentu, maibé labele sai ameasa ba jornalizmu, tanba nia mos ajuda halo serbisu lalais ba jornalizmu halo serbisu lais liu, tanba ne’e ami haree husi parte seluk maluk sira husi konsellu imprensa hare husi parte ameasa nian deit
“ Ami mos haree atu kompleta malu iha nia dalan mós, maibé ita sente ameasadu ita tenke defende ita nia an bainhira iha ameasa ida ne’e, maibé halo rekuza ba tekonolojia ne’e laloos tenke adapta ho tekonolojia ne’ebé iha, tanba primeiru ita labele hapara fenomeno ida ne’e ,segundu ita mos tenke hadia serbisu jornalista sira no ba prestasaun serbisu ba publiku, maibé ema hakarak hare video ema hakarak haree grafiku, ema hakarak haree dokumentu, ema hakarak haree fontes seluk tan, hakarak informasaun ne’ebé suplementar no notisia seluk ne’ebé mak depende ba ema idaidak nia hakarak. Iha ne’ebé nia tur iha ne’ebé nia ba ho nia smarth fone ne’ebé android ne’ebé mak ohin loron iha fatin ne’ebé deit ida ne’e nia loke asesu.”
Governante ne’e hatutan jornalista tenke adapta ho realidade ida ne’e sai hanesan pontu importante haree tanba teknolojia foun sei la impede, teknolojia foun sei mai nafatin hanesan ohin ha’u dehan katak bainhira hahu ho jornal , kuandu mosu radiu ema dehan jornal la serve ona, pois kontinua mosu televisaun ema dehan jornal ho rádiu labele ona, maibé mós la’o nafatin pois mosu internet ema sira dehan labele ona mais la’o nafatin entaun konkluzaun mak ne’e adapta ho situasaun reál presija halo adaptasaun tanba jornalismu kontinua hanesan parte importante, ne’ebé ita la’o uza iha fatin fatin.
“ objektivu mak ne’e kontinua no informa ba publiku atu nafatin vijilánsia, ba poder promove ema nia partisipasaun iha debate politiku no mós iha demokrasia nia laran tanba ne’e plataforma dijitál kompletu liu asesu fasil liu ita bele halo ho smartphone deit maibé keta haluhan katak media konvencional iha mundu tomak hahu prosesu iha tranzisaun tama ba plataforma dijital hamutuk ho media tradisional no kontinua ho online.” dehan Ministru iha salaun Delta Nova, 03/05
