Home Notisia Zevonia: Literásia Dijitál Importante, Dulce: Governu Tenke Tau Iha Matéria Kurríkulu

Zevonia: Literásia Dijitál Importante, Dulce: Governu Tenke Tau Iha Matéria Kurríkulu

586
0
Komemora loron mundial liberdade imprensa. [Foto: Santy | 03.05.2022]

Reportajen Silvino Freitas

Iha kombate HOAX, media kredivel sira presiza halo konfirmasaun ba publikasaun, ba informasaun ne’ebé publika hosi citizen journalism, no presiza hasae koñesimentu sosiedade nian kona ba dijitál literacy.

Tuir Dosente Departamentu Komunikasaun Sosiál UNTL, Dulce Martins hateten hafoin situasaun pandemia covid 19 ema barak mak utiliza telefone android hodi espalla informasaun sira no balun hamosu informasaun ne’ebé HOAX.

“Hau hanoin media sira presiza hare citizen journalism, karik ita hare konteudu publikasaun ne’ebé sira produs tenke halo kompleta, media wainhira asesu informasaun kona ba akontesimentu ruma, maske media seidauk too maibe iha ema balun ne’ebé halao knaar hanesan jornalista maske nia laos background jornalista nianm maibe nia iha telefone android hodi halo video ne’ebé la kompleta ho 5W-1H, maibe editor media sira prezisa halo kompleta hodi halo fali publikasaun” dehan dosente Dulce iha ambitu komemorasaun loron liberdade imprensa iha salaun Delta-Nova, (03/05).

Nia dehan kona ba kombate HOAX ne’e hanesan dezafiu boot ida, tanba daudaun ne’e ema barak mak uza telefone android, hodi halo publikasaun ba informasaun ne’ebé laiha limitasaun, maibe presiza de’it halo kontrolu liu hosi kria lei cybernetic hanesan akontese ona iha nasaun dezenvolvidu sira halo ona.

“Maibe urzente liu maka governu tenke tau materia sira ne’e iha kurríkulu eskolár, hanesan mos nasaun seluk halo, atu nune estudante sira bele hatene wainhira sira hatene ona katak ne’e HOAX entaun sira la asesu ona informasaun hirak ne’e” nia dehan.

Fatin hanesan Prezidente Asosiasaun Jornalista Timor Leste (AJTL), Zevonia Vieira hateten presiza halo sosializasaun makaas iha era dijitál no nafatin lut kombate hoax no disinformasaun. Nia dehan luta kombate hoax no disinformasaun, asosiasaun jornalista no Konsellu Imprensa presiza koopera ho públiku, hasae sira nia konnesementu konaba literasia dijital, nune’e sira kompnrede no iha responsabilidade oinsá uza sosial media ho diak

“Iha sosial media presiza ba asuntu decontextualizing katak sai husi kontestu, ida ne’e akontese barak, no ema fiar ba issue sira hanesan. YouTuber sira koko halo sensasionál, hodi hasae sira nia viewers, nune sira bele hetan lukru. Nune’e literasia dijital ne’e importante tebes”, dehan Zevonia iha salaun Delta Nova, 03/05

Asuntu hirak ne’e hato’o iha komemorasaun loron mundiál ba liberdade imprensa ho tema global “Jurnalismu iha Ameasa Dijitalizasaun”, no hetan partisipasaun husi nain ba media sira, jornalista, estudante universitáriu no asosiasaun jornalista sira.

Print Friendly, PDF & Email

LEAVE A REPLY

Please enter your comment!
Please enter your name here