Home Notisia SEFOPE Sei Loke Sentru Formasaun Iha Área Tasi-Tolu

SEFOPE Sei Loke Sentru Formasaun Iha Área Tasi-Tolu

4097
0
Sekretáriu Estadu SEFOPE, Rogerio S. Mendonça. [Foto: Agustinha | 14.09.2023]

Reportajen Agustinha Amaral

Sekretáriu Estadu Formasaun Profisional no Empregu (SEFOPE) Rogerio S. Mendonça informa, governu prepara ona atu loke sentru formasaun hotu iha Tasi-Tolu.

Sekretáriu Estadu hato’o, semana hirak liu ba Konsellu Ministru hasai ona desizaun no Ministériu Justisa mos atribui ona karta ba SEFOPE hodi ukupa fatin iha Tasi-Tolu.

“Fatin ne’e luan no seguru, tanba ne’e mak SEFOPE sei loke sentru formasaun hotu-hotu iha Tasi-Tolu. Uainhira atu ba hela tenki kria kondisaun, tanba sistema agora iha hela Becora no se uainhira muda ba Tasi-Tolu presiza hadi’a fatin di’ak no seguru atu nune’e bele kria kondisaun di’ak hodi proteze material informátika hirak ne’e,” hateten Sekretáriu Estadu  SEFOPE ba jornalista sira iha salaun SEFOPE Caicoli, Dili, 14/09.

Nia dehan, tanba liu-liu tes online ne’e presiza tebes ho nune’e presiza fatin seguru, tanba  tes lian Korea ho Australia nian ne’e ita presiza fatin ne’ebe seguru hodi asegura material hirak ne’e.

“Tanba servisu ne’e halo atendimentu ba públiku, ne’e servisu boot ida ho nune’e presiza kria kondisaun ne’ebe di’ak hodi responde ba kliente sira ne’e,” tenik nia.

Ho nune’e mak SEFOPE la husu osan barak husi orsamentu retifikativu, tanba SEFOPE hakarak hadi’a uluk uma laran hodi kria kondisaun hanesan parte lojístika, enerjia no ekipa ne’ebé mak servisu iha terenu.

“Ne’e la’os Diresaun Empregu Exterior de’it, maibé SEFOPE Caicoli mos sei muda hotu ba ne’eba atu nune’e bele kontrola direisaun hotu hodi bele servisu ho di’ak,” nia akresenta.

Governante ne’e dehan, fatin ida Tasi-Tolu ne’e sei akomula hotu INDIMO, IJT, lian Korea no servisu sira atende ba Australia.

Print Friendly, PDF & Email

LEAVE A REPLY

Please enter your comment!
Please enter your name here