Home Notisia Servisu Estájiu Tékniku iha Japaun Presiza Pontulidade no Dixiplina Hodi Atrai Kompañia

Servisu Estájiu Tékniku iha Japaun Presiza Pontulidade no Dixiplina Hodi Atrai Kompañia

2199
0
Joven sira hasai foto hamutuk ho SEFOPE no Embaixador Japaun antes dezloka ba Japaun. [Foto: Silvino | 14.09.2023]

Reportajen Silvino Freitas

Joven Timoroan nain 7 sei servisu ho programa estájiu tékniku iha area agrikola iha provínsia Kochi Japaun nian, tanba ne’e presiza servisu ho pontualidade no disiplina atu atrai kompaña no labele taka dalan ba joven sira tuir mai.

Tuir Embaixadador Japaun iha Timor Leste, Tetsuya Kimura katak loron ohin nu’udar loron memorable tebes tanba foin hahú atu haruka joven Timoroan sira ba hala’o servisu ho modelu estájiu atu hala’o servisu atividade kultivasaun modo no ai-fuan iha provínsia Kochi, provínsia ne’ebé dezenvolve liu iha area agirkola nian iha Japaun, nune’e wainhira fila sei conduz seitor agrikola iha Timor Leste ho di’ak liu tan.

“Partisipasaun joven Timoroan sira iha programa estajiariu tékniku Japaun nian sei fó vantajen makaas, ha’u hein katak grupu estájiariu dahuluk ida ne’e sei bele konklui programa ida ne’e ho susesu, atu nune’e bele loke dalan ba estajiariu sira seluk tuir mai no provínsia sira seluk Japaun nian ne’ebé sei simu estajiariu sira iha sira nia industria sira” dehan Tetsuya iha salaun SEFOPE Kaikoli, (14/09).

Tetsuya dehan tan, kualker jornada naruk ida hahú ho pasu dahuluk bá joven nain 7 ne’ebé atu aranka ba Japaun sei habitua ambiente foun no aprende lian no koñese ema Japanese  ne’ebé di’ak liu tan hala’o amijade no familiariza ho kultúra kustume no tradisaun sira japaun nian, nune’e família sira ne’ebé despede sira nia oan feto no mane maun alin mane no feto éspera katak provínsia Kochi sei tau matan bá sira ho di’ak tebes, tanba provínsia Kochi iha ona esperénsia di’ak simu estajiariu tékniku sira no mós sistema ne’ebé sei apoiu sira.

Fatin hanesan, Primeiru Ministro sesante, Taur Matan Ruak hateten, esforsu atu haruka joven sira ba servisu iha Japaun ne’e lori tinan ne’ebé naruk tebes maibé finalmente Japaun aseita atu simu Timor oan, Japaun nasaun ne’ebé dezenvolve liu iha mundu maibé Japaun nia populasaun maioria ferik no katuas nune’e sira nia mao de obra ki’ik nune’e sira simu sira ema husi nasaun seluk atu ba servisu iha sira nian rain.

“Hanesan embaixadaor hateten katak sira ne’ebé dadaun ne’e iha ne’ebá sira hanesan ema Japanese trata no haree sira hanesan mós ema Japanese, tanba ne’e ita fiar pela primeira ves ita nian ba partisipa sira sei trata mós sira nia oan, nune’e ita husu ba ita nia oan sira atu mantein disiplina tanba Japaun nasaun ne’ebé disiplina tebes” dehan PM sesante Taur Matan Ruak iha salaun SEFOPE Kaikoli Dili.

Taur dehan, ema Japanese sira mai ho sira nia moto rasik maka ‘moris para atu servisu’ diferente ho Timor Leste nian ne’ebé dehan servisu para buka moris, nune’e mós ema Japanese sira servisu ho pontualidade ne’ebé seriu tebes inklui servisu respeitu ba hirarkia nomós respeita ema, tanba ne’e joven nain hitu ne’ebé atu ba servisu iha iha Japaun ne’e nia importante mak dezempeñu atu loke dalan ba joven sira tuir mai, tanba ne’e presiza sira nia dezempeñu kredibilidade no prestijiu ne’ebé di’ak atu atrai kompaña sira iha rai Japaun.

“Tanba ne’e ba ha’u nia oan sira imi tenke fokus bá buat tolu ida maka pro-ativu imi mak buka bola la’ós bola maka buka fali imi, rua haree ida ne’ebé importante liu ba imi nia vida ami sira ne’e akompaña de’it maibé ida determina mak imi rasik tanba ne’e imi tenke konsentra ba imi moris, saúde no família de’it, terseiru maka tenke koopera saida maka eatadu haruka” Taur enkoraja joven nain 7 ne’ebé sei desloka ba Japaun.

Print Friendly, PDF & Email

LEAVE A REPLY

Please enter your comment!
Please enter your name here