Reportazen Zevonia Vieira
Centru Integradu Jestaun Krize, liu hosi portavoz Dr. Rui Araujo halo esplikasaun espesifiku konaba kontaktu ne’ebe ligadu ho virus Corona.
Ba jornalista sira Dr. Rui halo klasifikasaun konseitu bainhira ema ida konfirmadu positivu, se deit mak konsidera hanesan kontaktu, presiza monitoriza ho atensaun.
KONFIRMADU iha loron maluk hatudu sintomas to’o loron 14 hafoin hatudu sintomas, ne’e katak ema hotu ne’ebe konfirmadu tenke buka tuir nia kontaktu. Tuir instrusaun Organizasaun Mundial Saude [OMS], tenke buka tuir nia kontaktu prosoma ka besik ho ema ne’ebe konfirmadu.
FRENTE a FRENTE [Menus hosi metru 1, durante minute 15], ne’e katak bainhira ema ne’ebe konfirmadu hasoru malu ho menus hosi metru 1 no liu hosi 15 minutus ne’e tama iha kategoria kontaktu, signfika ita presiza tau atensaun makaas.
KONTAK FIZIKU DIRETO, ne’e katak ema ne’ebe iha viazen hanesan ho transporte ida hanesan ho ema ema ida ne’ebe konfirmadu, sira ne’ebe hetan postivu ne’e uza transporte hanesan mak hamutuk nain 18 ne’ebe tama hosi fronteira, mai ho nia motorista 1 ho ajudante 2 total 21, signifika sira ne’e tama iha kategoria kontaktu, tanba ida ne’e Ministeriu Saude halo akompanhamentu detalhadu depois hahu halo ona ezame lubuk ida no hahu hatudu rezultadu balun ona.
PRESTASAUN KOIDADU SAUDE , ne’e katak ema ne’ebe halo prestasaun koidadu saude ba ema ne’ebe konfirmadu, maibe bainhira nia halo prestasaun ho konsulta ka atendementu, nia la uza ekipamentu do protesaun individual, ne’e tama iha kontaktu.
KOABITASAUN, ne’e kriteriu seluk katak ema ida halo kontaktu ho ema ne’ebe konfirmadu mak bolu abitasaun ka hela hamutuk iha uma ida.
FIZIKU DIRETO, ne’e katak ema ne’ebekontaktu fiziku signifika kaer liman, rei malu ka hakuak malu ho ema ida ne’ebe konfirmadu. Mesmu iha konfirmadu ida iha ita nia leet, ita atu hetan kontazen ida ne’e kiik.
