Home Saude MS Sei Reativa Programa Saude Famila Hakbesik-an Ba Komunidade

MS Sei Reativa Programa Saude Famila Hakbesik-an Ba Komunidade

360
0
MS organiza workshop. [Foto: Santina Lucia da Costa | 24.08.2020]

Reportazen Santina Lucia da Costa

Ministeriu Saude liuhusi Diresaun Jeral Prestasaun Saude no Diresaun Nasional Saude Publika, realiza workshop nasional Programa Saude na Familia nian ho tema “Hakbesik Saude ba uma kain ida-idak, lori povu ba moris di’ak” ho objetivu atu konsolida partisipante sira nia koñesimentu kona-ba esensial husi atividade saude na familia nian.

Ministra Saude, Dra.Odete Maria Freita Belo hateten programa ne’e reativa fila fali ho objetviu hakbesik ekipa saude sir aba iha komunidade sira, mediku sira bele hasoru malu ho komunidade, laos komunidade deit maibe mos komunidade sira ne’ebe isin diak, tanba sira iha direitu atu hetan informasaun saude nian

Ministra Odete hateten program ba tempu naruk ne’ebe realiza hosi Ministeriu Saude nian liga ho suku sira, serbisu hamutuk ho lider komunitariu sira, ho nune’e hakbesik ekipa saude sira hakbesik-an ba komunidade.

Iha fatin hanesan Diretora Nasional Saude Publika, Isabel Maria Gomes liuhusi diskursu hateten parte programa saude familia hanesan programa nasional alta prioridade Ministeriu Saude ninian, nu’udar estratejia ida ne’ebe bele uza, hodi hatan ba metas kobertura saude universal katak, la husik ema ida iha kotuk. Ho programa saude familia hakbesik ba uma kain ida-idak, lori povu ba moris di’ak.

Diretora Nasional Saude Publika dehan programa saude familia hahu ho baze atu lori saude besik ba komunidade no sai alternativu, atu bele oferese atendimentu ida ho maneira holistika ba povu.

Nia mos dehan programa ida ne’e dezenha atu bele implementa pakote serbisu komprensivu husi kuidadu saude primaria ba uma kain hotu, liuhusi atividades hanesan vizita domisiliaria, konsultas klinikas, tratamentu no referensia ema hirak ne’ebe presiza atendimentu iha kuidadu saude sekundaria, tersiaria no kuartiaria.

Isabel informa katak programa ne’e sei hahu hosi  loron 1 Septembru 2020, ekipa profisional saude sira sei vizita hikas uma kain hotu, hodi reazusta dadus ne’ebe maka seidauk kompleta, no atualiza mos informasaun kona-ba kondisaun saude husi povu atualmente, no atividade sei akontese ate fulan Dezembru 2020, no sei kontinua iha tinan 2021 no mos ba iha futuru.

Programa Saude Familia  estabelese formalmente iha Timor-Leste hanesan estratejia politika ne’ebe integra ba pakote komprensivu, tan saude primaria lansa iha fulan abril 2015, no inspira husi valor sira ne’ebe motiva iha deklarasaun alma akta, mudansa ida iha paradikma saude ba ema hotu, atu hadia situasaun populasaun ninia saude, atu atinji meta kuidadu saude primaria tenki lori serbisu saude ba populasaun sira nia moris fatin ne’ebe sira hela ba.

Objetivu husi Workshop ne’e atu sosializa planu implementasaun atividade saude familia iha tinan 2020 no  tinan 2021 no ba futuru, ho objetivu espesifiku atu dirijente saude no pesoal saude tomak bele hatene klean kona-ba planu implementasaun saude familia, atu partisipante tomak bele hatene rekursu disponivel ne’ebe sei uza atu hala’o atividade saude familia iha tinan 2020.

Workshop ne’ebe realiza iha otel Novu Turismo iha loron 24/08 hetan apoiu masimu husi Organizasaun Mundial Saude (OMS) nu’udar parseiru xave ne’ebe iha komitementu boot atu kontribui ba implemensaun saude familia iha Timor-Leste.

LEAVE A REPLY

Please enter your comment!
Please enter your name here