Home EduTek CEFTEC Kontinua Fo Formasaun Konaba KOMSOS , Hodi Redus Formasaun Ba Iha...

CEFTEC Kontinua Fo Formasaun Konaba KOMSOS , Hodi Redus Formasaun Ba Iha Rai Liur

237
0
Sekretariu Estadu Komunikasaun Sosial [SEKOMS] Merício Juvinal dos Reis Akara entrega sertifikadu ba formandu sira. [Foto: Santina Lucia da Costa | 06.12.2019]

Reporatazen Santina Lucia da Costa

Centro de Formação Técnica em Comunicação (CEFTEC), halao ona formasaun ligo ho komunikasaun sosial ba jornalista no fungsionariu publiku sira. Iha loron 6/12 CEFTEC distribui sertifikadu ba partispante sira hamutuk 119, ne’ebe remata ona sira nia kursu.

Diretor Nasional CEFTEC, Luis Evaristu dos Santos Soares hateten katak, nasaun ida ne’e dezenvolvidu, sei la ses husi investimentu iha capital dezenvolvimentu umanu, hodi kontribui ba kresimentu nasaun ninian, atu atinji nia metas.

Diretor Luis hateten formasaun kontinua ezerse ninia papel importante, liuliu iha setór komunikasaun sosial, hodi bele kompete iha evolusaun industria 4.0, no nasaun avansadu sira ohin tama ona iha evolusaun industria 5. 0, signifika katak komunikasaun sosial sai hanesan piliar importante ba kontribui dezenvolvimentu governu Timor-Leste ninian.

CEFTEC kontinua apoiu implementasaun politika VIII governu Konstituisonal iha seitor komunikasaun sosial, hodi fasilita formasaun sira iha setór privadu, setór publiku no mós setór komunikasaun sosial nian.

“Prosesu hirak ne’e kontribui direita ba VIII governu Konstituisional iha Sekretario Estadu Komunikasaun Sosial [SEKOMS] hodi halo poupansa ba orsamentu estadu ninian no mós hodi redus ba halo formasaun iha rai liur”, hateten Luis

Iha fatin hanesan, Sekretariu Estadu Komunikasaun Sosial [SEKOMS] Merício Juvinal dos Reis Akara hateten, sente kontenti no orgullu tanba formandu sira nia formasaun iha area komunikasaun sosial ho uza teknolojia foun,

Mericio Akara hateten katak politika SEKOMS nian hahu, atu redus haruka ita nia ema ba treinamentu iha liur, “hau hanoin ita tenki hatudu fali katak, rezultadu husi formasaun sira ne’e, liliu formandu sira tenke transfere fali matenek ba sira nia maluk sira seluk”.

Reprezentante Formandu Antonio de Araujo, ne’ebe tuir ona formasaun hateten durante ne’e aprende ona oinsa hakerek imprensa, programa ba radio, televizaun, multimedia bazika, multimedia avansadu, relasaun publiku no protokolu, dezain grafik, fotografia, editin video, lian portuges no tetun.

“Ami sente iha duni benefisiu ne’ebé boot mai ami formandu sira, benefisiu sira ne’e ajuda tebes ami hodi hala’o ami nia knar nu’udar funsionariu publiku no liu husi formasaun ida ne’e mós, muda duni ami nia koñesimentu tuir area ne’ebé mak ami ida-idak haknar-an ba”, esplika Antonio de Araujo.

Total partisipantes ne’ebe mak partisipa hamutuk 199, mane 64 no feto 55, hodi tuir formasaun liga ho servisu komunikasaun sosial nian.

LEAVE A REPLY

Please enter your comment!
Please enter your name here