Home Justisa Labarik 4.500 Lakon Iha Loron Invasaun, Seidauk Hetan Too Agora

Labarik 4.500 Lakon Iha Loron Invasaun, Seidauk Hetan Too Agora

527
0
Komite Popular halo konferensia imprensa iha Yayasan Hak Farol Dili. [Foto Francisco JD | 07.12.2019]

Reportazen Francisco JDA

Tragedia 7 de Dezembru ne’ebe mak hamate povu barak nia vida, liu hosi komemorasaun loron invasaun ba dala 44, Komite Populas kompostu hosi sociedade sivil no estudante, halao konferensia imprensa hodi ezije lia los no justiça nudar dalan ba hametin dame no justiça iha Timor-Leste no mundo

Liu hosi konferensia imprensa, porta-voz Komite Popular, Faustino Soares deklara katak loron 7 Dezembru, nuudar loron ne’ebe nunka lakon iha memoria povo Timor-Leste tomak, tanba loron 7 de Dezembro 1975, militar Indonesia invade Timor-Leste, hodi mobiliza forca militar tomak forsa rai maran, forsa lalehan no mos mai hosi forsa tasi nian hosi ne’e povo rihun ba rihun mak mate no hahu terus.

Faustino mos hatoo katak durante okupasaun ilegal regime Suharto nian, povo Timor Leste barak hetan kapturadu arbiru no hetan torturasaun, hetan oho, mate hamlaha, hetan violasaun sexual no mos hetan diskriminasaun ka opresaun oin-oin durante 24 nia laran

“Tuir relatorio final CAVR liu Chega nia deskobrimentu hatudu katak minimo 102.800 mak mate tanba oho hamlaha, no lakon iha periodo konflitu nia laran ema lakon forsadu hamutuk 853 mak la hetan nia paradeiro, labarik lakon (Stolen Children) hamutuk 4.500 mak lori ba Indonesia uja sira hanesan TBO ( tenaga Bantuan Operasi) no mos iha ema nain 250.000 deporta obrigatorio ba refujia Timor Osidental –NTT”, dehan Faustino iha Asosiasaun HAK Farol (7/12)

Porta voz ne’e mos haforsa tan, nudar povo bainbain iha rai ida ne’e sente triste tebes ho krime grave krime kontra umanidade ne’ebe akontese durante periodo okupasaun militar Indonesia kuaze krime hirak ne’e ho skala boot liu sei kontinua akontese iha Palestina, Sahara Osidental no West Papua.

“Estadu Timor-Leste no Indonesia atu aselera estabelesimentu ba ema lakon tuir rekomendasaun CTF, no orgaun Soberanu tomak no instituisaun relevante atu seriu hodi apoio no maximiza papel Centro Nasional Chega- CNC nune’e hahu konkretiza kria fundus solidariedade ba inan feton sira ne’ebe mak uluk hasoru violasaun oin-oin no dadaun ne’e sei kontinua hela iha situasaun trauma extraordinario iha kondisaun miseravel nia laran”, tenik Faustino

Komite popular mos husu ba maluk soliedariedade Internasional no ativista direitus humanu atu kontinua hametin luta liu-liu enkoraza Governasaun ida ne’e bele apoio vitima no familia sira nia lian halerik too hetan Justica ho justu ba Vitima sira

Sorin Seluk Direitor Ezekutivu Centro Nacional Chega!, Hugo Fernandes iha diskursu ba loron komemorasaun 7 de Dezembro iha Ponte kais, hatete heroi sira ne’ebe sakrifika sira nia an hodi defende RDTL ne’ebe proklama deit loron sia, invasaun boot mai hosi Indonesia tenta atu sobu dignidade povo nian durante tinan 24 nia laran

“Tinan 44 ita konpara karik hanesan ema ida, sei buka ona atu detrmina nia lao los ona ka lao sala, atu lao los ka sala ita sempre aprende hosi ita nia memoria, hau fiar metin katak esperanca nunka lakon hosi ema ida ida, familia ida ida iha Timor tanba ne’e mak kontinua iha detrminasaun no presistencia” tenik Hugo Fernandes

LEAVE A REPLY

Please enter your comment!
Please enter your name here