Home Saude Matebian COVID-19 Halot Ona Iha Metinaro, Roberto: Familia Kolabora Ho Governo To’o...

Matebian COVID-19 Halot Ona Iha Metinaro, Roberto: Familia Kolabora Ho Governo To’o Prosesu Hotu

164
0
prosesu halot matebian pasiente COVID-19 iha Metinaru. [Foto: David da Costa |06.04.2021]

Reportazen David da Costa Gusmao*

Matebian pasienta COVID-19, Francisca Gama idade 44, moris iha Muncipiu Baucau postu Admistrativu Laga, suku Saelari, matebian mate ho diagnostikadu virus SARS-CoV-2 iha loron 24 Marsu (foti amostra iha loron 23 Marsu) iha cluster Sagrada Familia Bidau ho asintomatiku ka laiha gejala. Iha uma laran nain rua mak pozitivu COVID-19, sira iha kontaktu besik ho kazu pozitivu ne’ebe diagnostikadu iha cluster hanesan, ninia cycle threshod iha loron 24 Marsu N2 gene 28.1 ; E gene 26.2. Alende afeta virus COVID-19 matebeian rasik mos iha moras kroniku seluk hanesan moras rins no tensaun sae.

Matebian ne’e husik hela nia laen ho  mane nain rua. Familia husi matebian, Roberto Jose Barbosa sente triste tanba lakon nia familia no alin feto, maibe ida ne’e mak prosesu moris ema nian no palnu Maromak nia bolu ona alin ne’e, no sira mos sei kolabora ho Governu nafatin to’o prosesu ne’e hotu.

“Ami lakon ami nia alin, familia, nia mos hanesan kaben nain ida, no inan ba oan mane nain rua, maibe ida ne’e mak palnu Nai nia hodi bolu ona hau nia alin”, dehan Roberto iha durante prosesu hakoi mate iha postu admistrativu Metinaro, 06/03.

Matebian nia maun ne’e esplika, matebian hahu sofre moras iha tinan 2017 ho moras tensaun no stroke, pois diak fila fali, foin dadauk ne’e hetan tan moras ida ne’e mak todan liu, no matebian ne’e mos hetan tan moras rins, depois dotor sira haruka atu fase ran, maibe la konsege fase ran, to’o nia konfrimadu tan katak nia pozitivu COVID-19, no ekipa saude lori nia ba iha isolamentu, la to’o semana rua nia hakotu nia iis.

Nia haktuir matebian husik hela nia kaben ho oan mane nain rua, matebian nia oan kiik agora hamutuk ho nia aman iha sala isolamentu no oan mane boot agora hela hamutuk ho nian bin no tia iha uma.

“Hau sempre kontaktu ho sira, ohin ami mai ne’e matebian nia laen mak kontaktu ami, dehan hein iha dalan para akompanha ita lori alin ba iha semiteriu”, dehan Roberto

Roberto promete katak bainhira pandemia COVID-19 ne’e remata ona, sei lori hikas matebian ne’e ba iha nia rai iha munocipiu Baucau, postu Admistrativu Laga, Suku Saelari hodi halo tuir prosesu lisan matebian nian.

Tuir observasaun jornalista Neon Metin iha tereinu katak matebian nia familia, laen ho nia oan mane ida mak akompanha direita, tanba durante ne’e sira nain tolu mak halo isolamnetu hamutuk, maibe nia familia seluk ho oan mane boot labele besik ba nia inan nia mate, tanba kumpri hela regras saude nian. Depois de hakoi mate isin, matebian nia laen ho oan kiik tenke fila ba isolamentu Lahane, hodi kumpri regras protokolu nian.

Iha serimonia hakoi mate isi ne’e mos, akompaña mos husi funsionariu CIJK, Ministeriu Saude no ekipa MSSI no hetan seguransa masimu husi Policia Nasional Timor-Leste (PNTL).

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here