Home Notisia Xefe Suku Urahou: Jornalista Mai Ami Quandu Bo’ot Sira Mai

Xefe Suku Urahou: Jornalista Mai Ami Quandu Bo’ot Sira Mai

525
0
Xefe Suku Urahou, Alberto Soares (Foto: Neon Metin Team)

Xefe Suku Urahou, Alberto Soares, hatete katak iha nia Suku Urahou, Posto Hatolia, Munisipiu Ermera, jornalista sira mos nunka mai sira nia suku. Sira mai so bo’ot sira mai vizita mak sira mai. Sira mai mos lalais deit sira fila ona.

Iha Suku Orahou, media ne’ebe sira asesu mak Radio RTTL. Sira ladun hetan informasaun direta hosi media TV kona saida mak akontese iha Dili ka iha fatin seluk. Saida deit mak akontese iha Urahou nia suku laran nunka hetan iha reportajen media nian.

“Iha ami nia suku ne’e jornalista sira mai quandu bo’ot sira mai visita. Maibe ne’e mos lalais deit, bainhira bo’ot sira fila, jornalista sira mos fila ona,” Xefe Suku Alberto Soares esplika ba jornalista neonmetin.info iha ninia servisu fatin, sede Suku Urahou, ohin 18/01.

“Fulan Outubru 2019 akontese insendiu iha Urahou, jornalista sira la mai kedas bainhira ahi-han hela. Sira to’o mai ahi hotu ona uma sira. Sira balun foti fali video hosi telefone ami nia labarik hasai ne’e mak ba publika,” Xefe Suku ne’e aumenta.

Informasaun hanesan hato’o hosi Olga Expostu membru komunidade ida mak ativa mos iha Suku. Nia mos haree katak jornalista sira mai barak bainhira iha visita ema bo’ot sira nian.

LEAVE A REPLY

Please enter your comment!
Please enter your name here