Home Meio Ambiente Lixu Kontinua Soe Namkari Iha Merkadu Taibesi

Lixu Kontinua Soe Namkari Iha Merkadu Taibesi

190
0
Lixu iha merkadu Taibesi. [Foto: Francisco JDA | 08.07.2020]

Reportazen Francisco JDA

Lixu nudar beneno ba ema ho animal, lixu sei ameasa ema ho animal nia vida no estraga seitor Ambiental.

Situasaun lixu ne’ebe mak sei sai problema boot iha komunidade nia leet, tanba sedauk iha konsiensia maske governu halao ona regulamentu atu komunidade kumpri, maibe ida ne’e sedauk bele muda ema nia hahalok.

Situasaun iha merkadu Taibesi sai fatin ne’ebe nakon ho lixu, maske governu prepara ekipa Saniamentu hodi hamos lixu sira ne’e, maibe kontinua soe lixu arbiru hosi vendedor sira ne’ebe halo negosiu iha merkadu Taibesi.

Tuir Gestor Merkadu Taibesi, Ijiene Orden Públika, Anibal de Jesus ba Neon Metin informa katak, kada Sexta feira ekipa Saneamentu no Ijiene Orden Públika sempre halo limpeja ne’e, maibé to’o kalan vendedor sira, sempre soe foer arbiru no tuir sira nia hakarak de’it.

“Ami husu ba Ministeriu relavante atu halo Lei ka regra ida, para ami implementa ba sira, tanba ita laiha Lei no ha’u labele koalia atu fó sansaun mais ha’u seidauk hetan despashu ruma hosi leten no ha’u labele halo buat ida tuir ha’u nia hakarak. Durante ne’e la iha sansaun ba sira, maibé iha balun komprende no koopera katak foer sira tau plastiku no soe iha fatin, maibé sira ida ne’ebé mak seluk, sira dehan governu selu imi ami halo limpeja halo saida , loron ita hare merkadu ne’e móos, maibé kalan ne’e mai fila fali foer soe arbiru de’it”,  esplika Xefe Jestor Merkadu Taibesi Anibal De Jesus, iha Merkadu Taibesi, 08/07

Xefe Anibal de Jesus afirma tan katak maske Polisia Nasionál Timor Lorosae ( PNTL) no ekipa Jestor merkadu Taibesi halo avisu ba Vendedor hotu, katak regra soe lixu tuir oras ne’e iha hotu, maibé vendedor nafatin balun la iha konsensia.

Nia dehan iha duni cleaner ne’ebe atu hamos, maibé dadaun ne’e cleaner sira kontratu para ona hosi  Ministeriu Tuirsmu Comerciu Industria (MTCI), tanba ne’e  ekipa Jestor Taibesi mak tenki halo limpeza. Maibé husu vendedor atu Koopera ho Jjestor merkadu Taibesi, nune’e bele moós nafatin tanba ema estranjeiru atu konsumu ita nia produtu tenki mós ho di’ak

Sorin Seluk Akademista Satornino Soares ne’ebé hela besik fatin Lixu iha Taibesi , hato’o ba Neon Metin katak lixo hanesan problema impaktu sosial, bele prejudika ba ema nia saúde, maibé komunidade ka vendedor iha merkadu Taibesi barak la iha konsensia tau Lixu ne’e iha nia fatin, maske informasaun no aviza beibeik, tanba ema barak susar atu kontrola, entaun foer sira ne’e la tau tuir nia fatin no soe arbiru.

Satornino hateten bainhira soe foer arbiru, bele hamosu inundasaun no bele lori moras ba vendedor sira, inklui ema sira ne’ebé ba asesu merkadu, presiza iha konsensia atu bele proteje ambiente, hodi nune’e moris saudavel.

LEAVE A REPLY

Please enter your comment!
Please enter your name here