Home Notisia Santa Sé Apresia Governu TL Nian Preparasaun Hodi Simu Amo Papa Fransisco

Santa Sé Apresia Governu TL Nian Preparasaun Hodi Simu Amo Papa Fransisco

685
0
Reprezentante Santa Sé iha Timor Leste, Marco Sprizzi, (Foto-Media PR)

Reportagem Filomena da Conceição

Reprezentante Santa Sé iha Timor Leste, Marco Sprizzi, hateten Sidade Santa Sé, halo ona survei ba vizitasaun Amo  Papa nian  mai Timor-Leste no  rejultadu husi Survei ne’e, Sidade Santa Sé apresia ba Governu Timor-Leste halo ona Preparasaun Exlente atu simu  amo Papa Fransisco nian vizita mai Timor-Leste.

“Ha’u hakarak hatete governu Timorense halo hela preparasaun exelente no ita simu delegasaun husi Vatikanu iha loron hirak liu ba ne’ebé hela iha Timor loron tolu nia laran hodi halo survey ba fatin hotu-hotu ne’ebé durante vizita Papa Francisco nian sei mai,”dehan representante Santa Sé iha Timor-Leste , Marco Sprizzi, ba  Jornalista sira, hafoin  remata inkontru ho PR, José Ramos Horta, iha palácio Presidensial, Segunda, 12/02.

Nia haktuir, mundu tomak ko’alia kona-ba preparasaun vizita Papa Francisco mai Timor Leste, entaun ita seidauk bele konfirma data loloos tanba ida ne’e sei anunsia husi Santa Sé juntamente ho governu Timor Leste, mais la’ós ona segredu maibé iha ona preparasaun ba possivel Papa Francisco nian ne’ebé Timoroan hotu-hotu hein no presiza servisu maka’as. nune’e Iha eventu hotu-hotu ne’ebé sei akontese iha vizita Papa ne’e povu Timorenese nu’udar konvidadu ne’ebé sei partisipa hotu iha Papa Francisco nia prezensa iha Timor-Leste.

Tanba ne’e, Santa Sé, halo ona reuniaun barak ho ekipa governu nian, ho ministériu oin-oin ne’ebé lideradu husi Primeiru Ministru no delegasaun husi Vatikanu presionadu ka orgullu ho servisu ne’ebé governu Timor Leste halo kona-ba preparasaun atu simu Papa Francisco nia vizita nian.

“Ha’u hakarak agradese hodi Santa-Sé nia naran ba Estadu Timor Leste, Prezidente Repúblika, Primeiru Ministru, no ministériu hotu-hotu ba servisu sira kompetente, exelente no efisiente ne’ebé feitu nu’udar preparasaun ba eventu vizita Papa Francisco. no Vizita Santu padre Papa Francisco nian nu’udar vizitante estadu mas prinsipalmente ne’e nu’udar vizita pastorál, hanesan pastor ne’ebé mai vizita nia povu,” nia hateten.

Nune’e mós nia haktuir,  preokupasaun ne’ebé  Papa Francisco iha mak oinsá povu bele hasoru nia no nia bele hasoru povu, tanba iha ne’ebé mundu tomak hakarak hasoru Papa Francisco to’o  relijiaun seluk ne’ebé hakarak partisipa iha festa povu nian, tanba ne’e mak tenke garante seguransa, saúde, transporte no fatin ne’ebé dignu ho kondisaun dignu mós atu ema hotu bele partisipa ho di’ak iha eventu sira no missa ne’ebé Santu Padre mak sei prezide.

Print Friendly, PDF & Email

LEAVE A REPLY

Please enter your comment!
Please enter your name here