Home Uncategorized Presidente PN: Hau Seidauk Trasa Alokasaun Orsamentu ba Uma ba Deputados

Presidente PN: Hau Seidauk Trasa Alokasaun Orsamentu ba Uma ba Deputados

578
0
Presidente Parlamentu Nasional halo deklarasaun ba media (Foto: RTTL.Ep)

Publiku kontinua koalia kona ba Uma Ba Deputadu sira maibe Prezidente Parlamentu Nasional, Aniceto Guterres,  esklarese hosi nia Komunikadu Imprensa katak seidauk trasa planu no alokasaun orsamentu ba asuntu ne’e. Deklarasaun imprensa ne’e halo ohin iha Parlamentu Nasional, 19/8, Dili. 

“Hau seidauk orienta ema ida atu koalia ka trasa alokasaun orsamentu ba asuntu ida ne’e, ka halo planu lansamentu ba projetu ida ne’e,” deklara Aniceto Guterres iha nia komunikadu imprensa. 

Maski nune’e Presidente Parlamentu ne’e hatete katak pontu 3 husi artigu 4, hosi Lei nu.12/2017, 24 Maiu ne’ebe koalia kona ba sede, patrimonio instalasoens ne’ebe hatete katak Presidenti Parlamentu Nasional bele determina mudansa ba sede Parlamentu Nasional ho votos favoravel husi konferensia reprezentantes bancadas parlamentares no ratifika iha plenariu. 

Komunikadu imprensa ne’e mos hatete katak se iha duni rezidensia ba deputadu sira entaun sei reduz ka elimina total osan alojamentu.

“Iha kestoens finanseiras no efetividade funsaun lobuk ida mak sai mos konsiderasaun ba koloka rezidensia deputadu sira besik sede Parlamentu Nasional. Too agora deputadu ida simu $450 ba alojamentu kada fulan, tinan 1 deputadu ida hetan $5.400, tinan ida 65 deputados hetan $351.000,00. Iha legislatura (tinan 5) ida Estadu sei gasta  $1.755.000,00 ba deit alojamentu. Hodi reduz ka elimina total orsamentu ida ne’e mak presiza iha duni rezidensia ba deputados besik kedas sede Parlamentu Nasional,” Presidente Parlamentu hato’o iha nia komunikadu imprensa. 

Hanoin ka ideia ba halo edifisiu propriu Parlamentu Nasional nian hahu kedas desde primeira legislatura too agora, laos hanoin foun ka inventa necessidades foun hodi gastu osan estadu nian, no ignora povu nia kondisaun moris. Iha legislatura hirak uluk halo ona estudos balu no sketsa edifisiu no panorama aredores sede Parlamentu Nasional, identifika fatin balu hanesan iha Tasi-Tolu, iha Palacio Prezidenti Republika nia kotuk, Bairro Pité no iha ex-edifísiu finansas Kaikoli maibe seidauk hahu  konstrusaun. Maski nune’e to’o agora seidauk iha desizaun fixu ida kona ba konstrusaun ne’e.

LEAVE A REPLY

Please enter your comment!
Please enter your name here