Home EduTek Gaspar ho Filipa Estudante Ho Difisiensia Enkoraza-an Nafatin Ba Eskola, Maske Hasoru...

Gaspar ho Filipa Estudante Ho Difisiensia Enkoraza-an Nafatin Ba Eskola, Maske Hasoru Difikuldade

338
0
Gaspar ho Filipa estudante ho difisiena iha EBF Aituri Laran. [Foto: Marcio Morato Pinto | 19.08.2020}

Reportazen Marcio Morato Pinto

Gaspar ho Filipa estudante ho disiensia ain, liman no matan. Sira eskolah iha Eskola Basika Filial. Sira kontente eskola iha ne’eba, sira kontente tanba laiha diskriminasaun, maibe dalaruma susar ba Gaspar atu partisipa tanba hasoru difikuldade

Labarik sira haksolok bainhira sira bele partisipa iha prosesu aprendizajen ne’ebe adekuadu, sira sei hatudu abilidade ne’ebe mak sira, bainhira sira haksolok signifika sira aprende buat ida ne’ebe fo valor ba sira.

Ohin loron sira haksolok ho prosesu aprendizajen no kondisaun eskola publiku ne’ebe mak la dun diak? Neon Metin halo vizita ba Eskola Basika Filial iha Aituri Laran besik merkadu Taibesi, bainhira to’o iha ne’eba rona estudante sira nia hamnasa, manorin sira nia lia iha klase laran, lian estudante sira bainhira hatan manorin sira nia materia. Hamosu memoria iha tempu sei tur iha eskola primaria.

Neon Metin hakbesik an ba eskolah refere hodi hatene kondisaun eskola iha ne’eba no hetan katak ih estudante ho difisiensia nain haat ne’ebe eskola mos iha EBF. Neon Metin dadalia ho Koordenador EBF, Vidal Brites konaba esforsu hosi manorin sira atu bele akompanha estudante ho difisiensia sira atu partisipa iha sala laran?

Vidal Brites hatan katak eskola la halo formasaun ba manorin oinsa atu hanorin alunus ho difisiensia sira. Iha eskola refere iha alunos nain haat mak difsiensia tuir dadus ne’ebe iha. Vidal hateten inisiativa simu labarik difisiente tanba lei edukasaun hateten labarik difisiente sira presiza espalha ba eskola publika sira hanesan alunos babain, atu nune’e labele halo diskriminasaun ba sira.

“Husi Eskola la halo formasaun ba professores sira oinsa atu hanorin labarik tuir nível difisiente nian, maibe ita hetan konvite husi Merry Mackillop atu fó treinamento ba professores oinsa bele eduka labarik difisiente sira. Tuir instrusaun husi edukasaun labarik difisiente sira labele tau hamutuk iha fatin ida, maibe fahe ba eskola hotu, atu nune’e sira bele asesu edukasun hanesan labarik sira la ho difisiensia”, dehan Koordenador iha ninia edifisio Eskola Básika Filial, Aituri-laran, Terça feira 17/08.

Vidal hateten ho inisiativa husi manorin nian maka bele fasilita estudante difisiente sira, tamba manorin la uza método internacional nian maibe sira uza tuir tradisaun ne’ebe maka sira hatene atu hanorin. Ho objetivo ida katak maske sira difisiente, maibe sira iha direito atu moris no simu formasaun iha konvivensia edukativa nian no iha futuru sira mos bele kontribui buat ruma ba nasaun.

“Eskola refere sei la halo diskriminasaun ba kualker alunos liuliu sira ne’ebe difisiente, maibe rekomenda atu governo buka meios hodi fó formasaun ba manorin sira konaba área proprio difisiente nian, atu nunee bele fasilita sira iha prosesu aprendizajem”, hateten Vital ho esperansa boot.

Neon Metin dadalia ho estudante Filipa Amaral nudar difisiensia matan iha primaria klase, sempre iha korajen hodi partisipa iha prosesu aprendizajen

“Sente eskola ne kapas los aprende ABC, ami halimar diak, sira gosta halimar ho hau, sente diak no kontente. Iha nee hakerek ABC depois fo professor tau BOM, fila ba uma estuda ABC. Iha recreio halimar maka tapa ho Zinha. Iha futuru hakarak sai polisia. Buka servisu halo seguransa ba ema. Atu sai policia tenke estuda no hakerek. Hau hakarak halo belun ho hau nia kolega sira no sira hare hau diak” dehan estudante primeiro ano ne’e.

Iha fatin hanesan estudante terseiro ano, Gaspar Trindade difisiensia ain ho liman dehan katak, nia gosta mai eskola maibe nia sente todan, tamba nia kondisaun físika la suporta nia atu tuir prosesu aprendizajem ne’ebe iha.

“ Iha nee hau iha kolega barak aprende tetun, português no materia seluk tan. Hau gosta mai eskola maibe sente todan, tamba hau nia liman moras maibe hau gosta mai eskola”konfesa Gaspar.

Entretanto hare ba problema ida nee professora husi primeiro ano nian, Maria José hateten katak método ne’ebe uza atu hanorin labarik primerio ano sira maka, halo animasaun ba sira no sei la halo deskriminasaun ba sira, liuliu aproxima máxima ba sira ne’ebe difisiente hanesan Filipa, atu nune’e nia bele sente orgulho hodi tuir ensino aprendizagem ida ne’e.

“ Primerio ami sei halo animasaun ba sira, segundo ami fó motivasaun ba sira atu nune’e sira mos bele atensaun mai hau atu hanorin. Konaba difisiensia hanesan ne’e, hau tenke hakbesik ba nia hodi nia bele iha motivasaun atu hakerek tamba nia nudar labarik difisiensia hau labele halo deskriminasaun ba nia tamba sira ne’e hanesan de’it , atu difisiensia hanusa fali mos sira iha direito no iha oportunidade atu aprende, tamba ne’e hau tenke hakbesik liu ba nia” manorin ne’e sublinha.

Manorin ne’ebe responsavel ba primeiro ano primaria ida ne’e esplika katak maske Filipa ho kondisaun hanesan ne’e, maibe lorloron nia sempre ativa no badinas mai eskola hodi tuir aulas, nia kolega sira nunka halo diskriminasaun hodi hases an husi nia, tamba lorloron nia kolega sira sempre halimar hamutuk ho nia.    

Hare ba ida ne’e,responsavel materia hotu husi terceiro ano maorinSebastião dehan maske sira difisiente, maibe sira badinas mai eskola no iha korajem atu partisipa iha aulas. Sira iha vontade atu aprende, maibe dalaruma sira nia hanoin bele lakon, laiha konsentrasaun ne’ebe diak.                                                             

“Ami sei la halo deskriminasaun ba sira ne’ebe difisiente, ami hare sira hanesan hotu. Materia ba sira hanesan de’it, iha materia ida de’it maka susar atu Gaspar tuir maka edukasaun físika, tamba iha materia ida ne’e alunos sira sei halo exercício maibe Gaspar dehan hau bele professor. Então hau respeita ba ninia desisaun sira ne’e no hau autoriza nia tuir”, dehan professor.

Manorin ne’e hateten  maneira diak atu ajuda Gaspar maka halo grupo, hodi nunee sira bele estuda hamutuk no hanorin malu. Hare ba prestasaun Gaspar nia iha aulas diak tebes, tamba nia iha korajem atu aprende. Professor ne’e rekomenda atu Inan Aman sira presia kolabora, atu nunee prosesu aprendizajem bele lao ho diak liu tan.

*(Marcio Morato estajiadu iha Media RENETIL – Neon Metin)

LEAVE A REPLY

Please enter your comment!
Please enter your name here