Home Notisia MS Enkontru ho Vise PM Halo Avaliasaun Implementasaun Vasina AstraZeneca

MS Enkontru ho Vise PM Halo Avaliasaun Implementasaun Vasina AstraZeneca

188
0
Vise Primeira Ministra, Armanda Berta dos Santos. [Foto: Bernarda da Costa | 27.04.2021]

Reportazen Bernarda da Costa*

“Ema nain 26 mill mak simu ona, signifika liu ona 100% tanba vasina ne’ebe ita simu 2400 viavaels no vael ida ne’e iha 100 doses, maibe normalmente iha vael ida sira sempre tau doses, ida ka liu iha vael ida tragetu ita sei vasina ema 28 mill maibe atualmente sei iha hela 26 mill”. MS

Ministra Saude (MS) hala’o enkontru ho Vise Primeira Ministra, Armanda Berta dos Santos hodi deskuti konaba avaliasaun implementasaun vasina AstraZeneca iha Timor-Leste, hare ba nia dezafius sira, hodi nune’e bele sensibilza informasaun ba komunidade sira hotu, atu intende didiak hodi bele simu vasina.

Vise Primeira Ministra Armanda Berta dos Santos hateten, halo enkontru ho Ministra Saude hodi halo avaliasaun ba vasina ne’ebe maka implementa iha ita nia nasaun,  tamba Iha dezafius barak konaba vasina, hanesan ema balun lakohi simu vasina, balun mai registu tiha depois koko tensaun makaas entaun sira labele simu vasina.

“Husu ba Ministeriu Saude no tekniku sira bele fahe informasaun ne’ebe maka diak no klean tun ba iha autoridade no komunidade sira, para oinsa bele hetan vasina iha ita nia nasaun, hodi bele evita COVID-19 daet iha ita nia leet,” dehan Vise Primeira Ministra ba jornalista sira iha MSSI, Kaikoli 26/04.

Iha parte seluk Ministra Saude, Odete Maria Freitas Belo hateten enkontru ohin Vise Primeira Ministra maka lidera, no parte saude halo introdusaun badak deit konaba Diretora Jeral Prestasaun Saude ba halo apresentasaun saude iha atividade implementasaun vasina COVID-19 nian.

“Koalia konaba mos balansu vasina ne’ebe maka sei iha hela no bainhira maka tenke remata, atividade vasinasaun ba 24 mill doses ne’ebe maka ita simu, no oinsa konaba 80% ita nia populasaun tenke simu vasina ne’e,”sublina Ministra Sude.

Nia haktuir iha 24 mil doses vasina, ema nain 26 mill mak simu ona, signifika liu ona 100% tanba vasina ne’ebe ita simu 2400 viavaels no vael ida ne’e iha 100 doses, maibe normalmente iha vael ida sira sempre tau doses, ida ka liu iha vael ida tragetu ita sei vasina ema 28 mill maibe atualmente sei iha hela 26 mill.

*(Bernarda da Costa nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here