Home Notisia AJTL-TLPU Husu Ba Jornalista Sira Hotu Atu Simu Max Stahl nian Sinzas...

AJTL-TLPU Husu Ba Jornalista Sira Hotu Atu Simu Max Stahl nian Sinzas Iha Aero Portu

405
0
TLPU ho AJTL halo konferensia imprensa. [Foto: Adalgisa | 14.12.2021]

Reportajen Umbelina dos Reis

Asosiasaun Jornalista Timor-Lorosa’e (AJTL) hamutuk ho Timor-Leste Press Uniaun (TLPU), husu jornalista sira atu simu sinzas  saudozu Max Stahl nian aero portu.

Liuhsi konferénsia imprensa, Porta voz, Zezito da silva dehan relasiona ho Max Stahl nia sinzas ne’ebe sei to’o Dili, Assosiasaun Jornalista Timor Lorosae, (AJTL)  ho  Timor-Leste Press Union aban simu Max Stahl nia sinzas iha aero porto Nicolau Lobato.

Porta voz, Zezito da silva, dehan Timor oan  sira, sente lakon eroi boot Max Stahl nia falesimentu. Tanba ne´e asosiasaun rua fó omenajen ba eroi, ba defensór direitus umanu, liberdade imprensa no espresaun ida ne´e.

Max Stahl nia ahukedasan (sinzas) ne’ebé mak sei to’o mai iha TL iha loron 15/12/2021, TLPU ho AJTL hakarak konvida jornalista sira hotu hodi konsentra iha aero porto internasionál Dili, hodi simu Max Stahl nia ahukdesan hodi fo onra ba ita nia grande jornalista Max Stahl.

Nia hatutan Max Stahl nia korajen no dedikasaun iha mundu jornalizmu sai nu’udar ezemplu boot tebes ba jornalista foun Timor oan sira, hodi nafatin luta kontra dezumanidade iha rai ida nee.

Husu ba jornalista sira tenke kaer metin nafatin espíritu Max Stahl nian ,hodi luta ba Direirtu umanus iha Timor-Leste.

Iha fatin hanesan Asosiasaun Jornalista Timor Lorosa’e (AJTL), Zevonia Vieira hateten saudozu Max Stahl halo serbisu importante iha mundu jornalizmu, ne’ebe hatudu ba mundu katak violasaun direitu umanus akontese iha Timor-Leste, espera katak jornalista ohin loron bele aprende husi Max Stahl atu kontinua luta ba direitu umanus, liberdade imprensa no espresaun.

AJTL ho TLPU tane a’as nafatin obra valorioza ne’ebé mak saudozu Max Stahl husik hela ba Timor oan sira, la’os de’it ba edifikasaun estadu direitu demokráriku ida ne’e, maibé aktu exemplar.

AJTL ho TLPU Mos sei realiza talk show iha museum rezisténsia hodi halo refleksaun konaba jornalista tempu uluk nia kontribuisaun, ohin loron no futuru

Print Friendly, PDF & Email

LEAVE A REPLY

Please enter your comment!
Please enter your name here