Home Notisia Aniversario RDTL: Orfaun 19 Hetan Kondekorasaun Hamutuk ho Kombantente 52

Aniversario RDTL: Orfaun 19 Hetan Kondekorasaun Hamutuk ho Kombantente 52

415
0
Presidente no Premeiru Ministro fo Kondekorasaun (Foto: Frans JDA)

Reportajen Francisco JDA

Iha momento spesial loron proklamasain independendia unilateral, Presidente da RDTL Fransisco Guterres Lu-Olo, kondekora kombantete 71, iha Prasa da Proklamasaun, ohin 28/11. Husi numeru ne’e, nain 19 reprezenta hosi orfaun sira, sira nia aman ka inan mate tiha ona iha funu laran tanba funu iha setor oioin ba Timor-Leste nia ukun rasik an.

Hahú tinan hirak ba kotuk, iha selebrasaun loron Proklamasaun Independénsia 28 Novembru 1975 kada tinan, Prezidente Repúblika sempre hatudu rekoñesimentu no valorizasaun ba sidadaun sira ne’ebé fó ona kontribuisaun boot no halo sakrifísiu ba sira-nia rain. Sidadaun sira ne’e hatudu espiritu patriotismo ne’ebé ass tebes liu hosi dedika sira nia an tomak, inklui entrega sira nia moris rasik ba libertasaun patria ne’ebé ocupada.

Selebrasaun Loron Proklamasaun da Independensia ba dala-44 Presidente da RDTL kondekora kombantete hamutuk 71 inklui mártir sira. Entre sira ne’e maioria hosi Frente Armada no balun okupa kargo politiku superior no medio, hosi grupu ne’ebé balun lakon iha villa laran la hatene paradeiro no balun sai martir,

Iha Diskurso Presindente RDTL hatete tenke valoriza no tane as sacrifisio hosi sira hotu ne’ebé lakon sira nia vida hodi ita hetan liberdade. Hakruuk mos ba memoria aswain sira hosi 1975 nian, hahi mos papel importante Igreza Katolika nian, nuudar instituisaun ida ne’ebé sempre hamriik iha povo Timor-Leste nia sorin ho formas luta oin-oin, liu-liu defende valores indetitarios povo Timor nian.

“Ho estado Timor-Leste nia naran rekoinese no valoriza veteranos 24 ho kolar orden Timor Leste no 49 ho Medalha Orden Timor-Leste nian, ba sira nia dedikasaun esklusiva ba ita nia luta libertasaun nacional. Veterano sira ne’e husik buat hotuhotu, no simu sacrificio oinoin hodi hakuak metin mehi koletivo ida,” Dehan Presidente RDTL iha Prasa da Proklamasaun, Kinta, (28/11).

Presidente haforsa liu tan dehan, veterano sira ne’ebé hetan kondekorasaun, hosi 73 ne’e ema nain 29 mate iha funu laran, no nain 5 mate depois de ukun an. Nune’e sira labele ona hatutan missaun boot veteranu sira nian iha tempo ukun an ida ne’e mak kore povo hosi kiak no mukit.

“Familia sira simu sira nia sakrifisio, haksolok no domin tebes. Ida ne’e ita tenke rekoinese mos papel inkontronavel hosi ita nia buibere sira ne’ebé ho brani nunka hakiduk iha sira nia responsabilidade nuudar mos funu nain. Funu ida ne’e hanorin ita nia feto maluk sira sai duni nuudar  feto Timor ho kbiit tomak. Tanba funu ida ne’e ita nia labarik barak mak oan kiak, balun hetan domin hosi familia ka hosi aman inan hakiak, maibe balun seluk hetan halerik loron-loron,” dehan Presidente Lu-Olo.

Nia mos hatutan tan dehan, ohin orfaun 19 hamriik ho veteranu sira hodi simu kondekorasaun aman inan nian. Ohin mai iha ne’e maun alin rua ida hosi Indonesia no Ida hosi Australia orfaun hosi Comite Central Fretilin nain rua Saudozu Maulear no Saudoza Bilear. Oan hakiak rua ne’e fahe malu tanba konsequencia funu no moris ketak malu durante tinan 40 nia nia laran. Maibe hetan malu fali iha dia 25 de Novembro 2019 ba primeira vez iha ita nia rai doben Timor-Leste, rai ne’ebé sira nian inan aman fo sira nia vida rasik hodi hetan ukun rasik an too ohin loron.

LEAVE A REPLY

Please enter your comment!
Please enter your name here