Home EduTek Eskola EBF Centro Bimalu Uai-Tono Iha Deit Sala de Aula 3, Markita:...

Eskola EBF Centro Bimalu Uai-Tono Iha Deit Sala de Aula 3, Markita: Ami La Aprende Ho Diak

383
0
Koordenador Eskola Ensinu Basiku Filial EBF centro Bimali Uai-Tono, Ernesto de Carvalho ho estudantes iha aula. [Foto: David da Costa | 11.11.2020]

Reportazen David da Costa Gusmao

“Hau la kontente mai eskola, tanba iha klase rua tau hamutuk iha sala aula ida, bainhira profesor hanorin sira seluk, halo barullu no ami la bele aprende diak hanesan ho kolega sira husi eskola seluk”.Estudante Markita

Eskola Ensinu Basiku Filial (EBF)  centro Bimali Uai-Tono,  suku Builale, postu admistrativo Ossu, Muncipiu Viqueque menus  sala de aula, no afeta ba estudante kada klase rua, tenke tur iha sala ida hodi tuir prosesu aprendizajem no akontese ona iha tempu naruk nian laran.

Jornalista Neon Metin halo observasuan direitu ba kondisaun eskola refere ne’ebe iha, ba Neon Metin Koordenador Eskola Ensinu Basiku Filial EBF centro Bimali  Uai-Tono,  Ernesto de Carvalho hateten iha eskola ne’e menus los ba sala de aula no estudante hosi kada klase rua, tur iha sala ida deit hodi tuir prosesu aprendizajem no akontese ona iha tempu naruk nia laran.

“Iha ami nia eskola ne’e iha sala aula 3 deit, entaun estudante sestuano, primeroano ami tau hamutuk,  quintoano ho terceroano ami tau hamutuk no segundo ho quartoano ami tau hamutuk mak hanorin sira,” dehan Ernesto de Carvalho  ba jornalista Neon Metin iha eskola ensino basiku filial uai-tono,  Kinta-feira 5/11.

Nia dehan Bainhira  hanorin estudante sira iha kalse rua ne’e,  klase seluk  manorisn fo taraballu ba sira hodi halo no klase seluk manorin sira kontinua hanorin.

Koordenador eskola refere husu ba governo atu haree lalais kondisaun eskola EBF Uai-Tono centro Bimali ne’ebe mak menus sala aula no pelumenus klase ida, iha sala ida para bele garante kualidade  edukasaun.

“Hau Husu ba governo atu bele aumenta sala de aula, atu nune’e estudante sira ne’e, klase ida bele tama iha sala aula ida no labele kahur malu tan, atu sira bele aprende ho diak”, nia dehan.

Iha fatin hanesan estudante Marikita de Carvalho Guterres sente la kontente bainhira  klase rua, iha sala aula ida no sira la aprende ho diak.

“Hau la kontente mai eskola, tanba iha klase rua tau hamutuk iha sala aula ida, bainhira profesor hanorin sira seluk, halo barullu no ami la bele aprende diak hanesan ho kolega sira husi eskola seluk”, dehan Markita

Nia mos husu ba governo atu bele aumenta tan uma eskola nian, atu nune’e klase ida, bele tama iha aula ida no labele kahur malu hanesan agora dadun ne’e.

Print Friendly, PDF & Email

LEAVE A REPLY

Please enter your comment!
Please enter your name here