Home EduTek Eskola EBF Bimalu Uai-Tono Laiha Bee Ba Haris Fatin, Estudante Sira Lori...

Eskola EBF Bimalu Uai-Tono Laiha Bee Ba Haris Fatin, Estudante Sira Lori Bee Hosi Uma

543
0
estudantes Eskola EBF Centro Bimalu Uai-Tono lori bee hosi ba uma eskola. [Foto: David da Costa | 11.11.2020]

Reportazen David da Costa Gusmao

Hau sente triste bainhira ami lori bee husi uma mai,  tanba Ami nia uma mos dook husi eskola mak lori bee mai tan, eskola ne’e hau senti ladun diak ba ami, tanba lolos ne’e ami bele mai deit eskola atu aprende materia husi professor sira”. Estudante Markita

Eskola Ensinu Basiku Filial (EBF)  Centro Bimali Uai-Tono,  iha suku Builale postu Admistrativo Ossu, Muncipiu Viqueque laiha bee moos ba haris fatin, ho nune estudante sira iha obrigatorio lori bee husi uma, hodi uza ba haris fatin no tau iha balde hodi fase liman tuir regra Organizasaun Mundial Saude (OMS) relasiona ho COVID-19.

Koordenador Eskola Ensinu Basiku Filial EBF Centro Bimali  Uai-Tono,  Ernesto de Carvalho hateten ba jornalista Neon Metin hateten  iha eskola ne’e laiha bee atu uza ba haris fatin no fase liman nian.

“Iha eskola ne’e laiha bee ba haris fatin no fase liman atu tuir regra OMS nian, entaun ami dehan ba estudante sira, kada loron lori bee husi uma, atu bele uza ba haris fatin no fase liman loron loron nian”, dehan Ernesto de Carvalho ba jornalista Neon Metin iha eskola Ensino Basiku Filial Centro Bimali Uai-Tono, Kinta-Feira 5/11.

Nia husu ba governo atu haree problema sira ne’ebe mak eskola EBF Centro Bimali Uai-tono hasoru , liu-liu konaba bee moos ne’ebe eskola refere la asesu, tanba bee laiha atu uza ba sintina no fase liman hodi tuir regra WHO  nian.

“Ami husu ba governo atu bele dada bee mai iha ami nia eskola ne’e, atu nune’e ami nia estudante sira labele lori bee husi uma mai tan no estudante sira bele mai deit eskola no estuda deit”, Ernesto hato’o ho esperabsa boot.

Iha fatin hanesan Estudante Markita de Carvalho Guterres sente triste tanba loron-loron lori bee husi uma mai, hodi tau ba haris fatin no tau ba balde hodi fase liman.

“Hau sente triste bainhira ami lori bee husi uma mai,  tanba Ami nia uma mos dook husi eskola mak lori bee mai tan, eskola ne’e hau senti ladun diak ba ami, tanba lolos ne’e ami bele mai deit eskola atu aprende materia husi professor sira”, dehan nia.

Nia husu ba governo atu bele dada bee ba eskola, atu nune’e labele kuru tan bee husi uma mai, “ami labele kuru tan bee husi uma mai hodi tau ba haris fatin no balde”.

Print Friendly, PDF & Email

LEAVE A REPLY

Please enter your comment!
Please enter your name here