Reportajen Filomena & Juvinal
Eviksaun ne’ebé akontese iha sidade Dili difikulta mós ba vítima inan isin rua Agrifina Correia ninia hela fatin iha Bidau Satan-Ana, nune inan isin rua ho oan tinan 4 pasiénsia Hhelik an nafatin iha sira nia hela fatin, ne’ebé Sekretario Estadu Asuntu Toponímia Organizasaun Urbana (SEATOU), sobu tanba laiha fatin seluk atu hela.
“Ami deside kalan rua ona, toba de’it iha sementi, atu ba familia mos ema uma laran barak, ami ho kiikoan taka manta toba de’it iha ne’e, oan iha nain rua ida tinan 4 ida iha isin fulan 5, hola de’it nasi-bunkus mak hodi han”, dehan vitima eviksaun Agrifina Correia ba Neon Metin iha Bidau Sant-ana sesta 19/04
Nia konta sente triste tanba governu hasai sira husi sira nia hela fatin la ho dignu ka la prepara fatin ba sira molok hasai sira husi sira nia hela fatin, maibé lori fali Forsa no PNTL hodi hasoru sira maske nune’e nu’udar sidadaun prontu kontribui maibé governu mos tenke hanoin sira molok hasai sira.
“Sira mai lori Forsa FDTL no PNTL mak hasoru ami, no sira tama hotu iha ami nia kuartu laran nune’e, halo ami no oan sira mos trauma ho situasaun ne’e , no sira hasai ami nia sasan no kaer ami nia sasan sira nee mos la mamar ida no sira riba ba rai halo sasan balun tohar no bikan balun nakfera hotu, udan mos mai nune’e, soe ami ninia sasan hotu ba rai halo roupa sira mos bokon hotu no labarik kiik sira ne’e trauma no tanis”, Haktuir Agrifina ba Neon Metin
Nia konta mos katak, durante sira simu duni notifikasaun maibé la determina loron, no mosu ho derepente nune’e susar ba sira atu salva sira nia sasan ho diak, no vitima hirak nee, seidauk hetan sasan ka osan ruma husi governu maibe governu foti deit dadus derepente tama gusur.
“Ami seidauk hetan sasan ka osan ruma husi governu maibé parte governo mai foti deit dadus derepente tama gusur lori ho Forsa, PM, Polisia mak mai hodi hasai ami nia sasan”, Nia Esplika
