Home Saude Iha Dili Ema 45% Simu Ona Vasina, Dra.Danina: La Registu Efeitous Adversus...

Iha Dili Ema 45% Simu Ona Vasina, Dra.Danina: La Registu Efeitous Adversus Ne’ebe Grave

286
0
Komisaun Interministeriál ba Implementasaun Vasina COVID-19 iha Timor-Leste. [Foto: David da Costa | 18.06.2021]

Reportajen David da Costa Gusmao

Ministériu Saude (MS) liuhosi Komisaun Interministeriál ba Implementasaun Vasina COVID-19 iha Timor-Leste, ohin fo sai katak ema tinan 18 ba leten,  hahu hosi 7 Abril to’o 17 Juñu tinan ne’e, simu ona vasina doze dahuluk hamutuk ema nain 95,363 (45%) iha Dili.

Komisaun Interministerial ba Implementasaun Vasina COVID-19 iha Timor-Leste,  Dra. Danina Coelho  fó sai katak ema tinan 18 ba leten  iha Dili hahu hosi 7 Abril to’o 17 Juñu tinan ne’e,  ema hamutuk  95.363  (45%) iha Dili simu ona vasina doze dahuluk ona, nune’e mos ema hamutuk 5000 mak simu ona vasina Sinovac.

“Hosi 7 Abril to’o 17 juñu  ema ne’ebe mak vasina dozes dahuluk hamutuk  95.363 iha Dili. Hosi total ne’e ema idade 18-59  ne’ebe laos moras Korniku hamutuk 80.628, ema idade 18-59 ne’ebe ho moras  kroniku hamutuk 11,132 no ema idade 60 ba leten hamutuk ema nain 3.603,” dehan Dra. Danina, liu hosi komunikadu Imprensa, iha salaun MSSI, Kaikoli, sexta 18/06.

Nia haktuir, Kampaña vasinasaun halao dadauk hela iha Dili ba ema hotu tinan 18 ba leten , no Ministeriu Saude enkoraja adultu hotu ne’ebe elejivel atu simu vasina, ba hirak ne’ebe mak seidauk simu sira nia vasina atu habesik an ba sentru saude ka fatin imunizasaun hodi simu sira – nia vasina COVID-19.

“Vasinasaun sei tulun ita reduz impaktu hosi COVID -19 ba ema sira no reduz transmisaun,” nia dehan.

Nune’e mos, iha Dili vasina dozes daruak ba liña frente sira ne’ebe simu dozes dahuluk iha fulan Abril hahu ona, ema hamutuk nain 8.643 maka simu ona vasina dozes daruka ne’e.

Nia haktuir, Komisaun Interministerial ba Implementasaun Vasina COVID – 19, too ohin loron , la iha registu efeitous adversus foun ne’ebe grave,  hafoin simu tiha imunizasaun.

“Ami kontinua rekomenda ba ita boot sira hotu atu kontinua fase liman beibeik , matein distansia fiziku , uza maskara iha publiku , no la bele halibur – malu iha grupu sira . Kombinasaun husi medida sira no vasinasaun kompletu mak bele tulun hapara  transmisaun hosi COVID-19,” nia Apela.

Nia dehan  to’o ohin horseik, Timor – Leste rejista ona 8,504 kazu COVID – 19 no mate 19. Munisipiu Dili mak rejista númeru kazu COVID-19 ne’ebe a’as liu.

Print Friendly, PDF & Email

LEAVE A REPLY

Please enter your comment!
Please enter your name here