Home Notisia Governu Sei Halo Pagamentu Subsídiu Ba Idozu Hamutuk 94,617

Governu Sei Halo Pagamentu Subsídiu Ba Idozu Hamutuk 94,617

598
0
Prezidente Institutu Nasionál Seguransa Sosiál (INSS), Longuihos Armando Leite. [Foto: copyright google | 18.06.2021]

Reportajen David da Costa Gusmao

Ministériu Solidariedade Sosiál no Inkluzaun (MSSI)  liuhusi Institutu Nasionál Seguransa Sosiál (INSS) Iha loron 23 fulan Juñu,  sei halo pagamentu subsídiu ba idozu sira hamutuk ema na’in 19,617.

Prezidente Institutu Nasionál Seguransa Sosiál (INSS), Longuihos Armando Leite informa governu liuhusi apoiu subsídiu idozu inválidu, sei halo pagamentu ba ferik katuas sira hahú hosi loron 23 Juñu tinan ne’e.

“Total benefisiáriu ne’ebé mak atu simu subsídiu ida ne’e, hamutuk 94, 617 tanba ne’e ha’u hakarak apela ba ita-nia ferik katuas sira no mós maluk idozu sira katak, antes mai simu ita-boot sira-nia direitu ba subsídiu ida ne’e atu nafatin tuir regra husi protokolu Organizasaun Mundial Saúde (OMS) ho Ministériu Saúde (MS)”, dehan Prezidente INSS iha Ministériu Solidariedade Sosiál no Inkluzaun (MSSI) Kaikoli, sesta 18/06.

Nia mós apela, ba maluk idozu sira katak karik bele se iha tempu ita-bot sira bele simu lai vasina, pois bele simu subsídiu nune’e prevene ita boot sira husi Covid-19.

“Ita boot sira hatene katak moras ida ne’e perigu tebes ba ita boot sira ne’ebé ho idade 60 ba leten, tanba ne’e hodi institutu nia naran mós hakarak apelu ba ita boot sira katak, karik se iha tempu favor vasina tia lai pois mak nia simu subsídiu,” nia subliña.

Nia haktuir, maibé subsídiu apoiu ne’e direitu ona, ne’ebé la tuir vasina mós nia tenke simu, tanba ne’e nia direitu maibé husu para se bele vasina tanba ne’e di’ak ba ema hotu nia saúde .

“Direitu atu simu ne’e, ne’e direitu tenke simu maski la vasina, maibé oportunidade ida ne’e hakarak reza mós ba ita-nia maluk idozu sira atu bele simu vasina”, tenik Nia

Print Friendly, PDF & Email

LEAVE A REPLY

Please enter your comment!
Please enter your name here