Home Notisia Kompañia Balun Hasa’e Presu Sasán 45,5%, MTCI: Loja na’in Tenke Tuir...

Kompañia Balun Hasa’e Presu Sasán 45,5%, MTCI: Loja na’in Tenke Tuir Presu Ne’ebe Governu Fo

251
0
Ministru Turizmu Komersiál Indústria, Jose Lucas do Carmo da Silva. [Foto: David da Costa | 18.06.2021]

Reportajen David da Costa Gusmao

Liuhusi inspesaun husi ekipa Ministériu Turizmu Komersiál Indústria (MTCI) horisehik loron Kinta 17/06 ba loja sira iha Dili laran, nune’e MTKI deteta katak iha duni kompañia balun ne’ebé hasa’e presu sasán 45,5% atu nafatin mantein ho presu ne’ebé governu fó sai ona.

Ministru Turizmu Komersiál Indústria, Jose Lucas do Carmo da Silva informa MTCI observa iha terenu katak, iha duni presu ba material konstrusaun iha distribuisaun balun presu sa’e ho másimu 45,5% maibé iha mós distributor sira seluk nia folin sa’e ba 15%. Ida ne’e ba sasán ne’ebé kategoria ba material konstrusaun nian maibé la’os sasán hotu-hotu folin sa’e.

“Iha material balu sira ne’ebé mak baibain ita uza barak liu, nia folin sei nafatin iha kategoria presu ne’ebé  ita-nia Governu fó sai ona”, dehan Ministru Turizmu Komersiál Industria, José Lucas do Carmo da Silva liuhusi press conference iha knaar fatin Bebora, Sesta (18/06)

Nia dehan, kona-ba Bens esénsia hanesan foos, mina, bebida no seluk tan sa’e porvolta 7% to’o 10%.

Ministru esplika, iha mós razaun balu husi loja na’in sira fó hatene mai sira katak, husi nasaun origin sasán ne’e mai folin sa’e no sasán tama mai Timor ne’e mak la dun tama tanba ró la dun tama mai.

“Ho razaun sira ne’e Ministru mós fó hatene ba jestór sira atu koopera ho governu iha situasaun pandemia COVID-19 ne’e iha situasaun difisil, atu nafatin mantein ho presu ne’ebá governu fó sai ona, ho nune’e ita sei ajuda tebes ita-nia komunidade iha situasaun difisil ne’e,” nia husu.

Nia haktuir, se kazu seluk iha loja balun nafatin hasa’e presu liu standard, Governu iha mekanizmu atu haree ba ida ne’e, tanba iha ajénsia tékniku sira ne’ebé mak sei hare ba ida ne’e no sei foti medida.

“Ministru fó hatene ona loja na’in sira atu nafatin mantein presu ne’ebé governu fó sai,” apelu Ministru ba loja na’in sira.

Nia dehan ba stock sasán no ai-han husi observasaun ba inspesaun ne’ebé halo katak, iha stock ai-han ne’ebé garantia hela.

“Kona-ba sira ne’ebé sei hasa’e folin sasán, regra ne’ebé husi Governu ita iha regulamentu propriu atu atua ida ne’e, Ministru fó hatene ona parseiru hotu atu halo tuir regra ka nafatin ho presu ne’ebé governu fó sai”, hakotu Ministru.

Iha fatin hanesan Diretór Nasionál Regulasaun Komersiál e Protesaun Konsumidór, Manuela da Silva Tilman hatete Konjunta ida ne’e hamutuk ho Ministériu relevante sira, deteta kompañia balun ne’ebé faman sasán nia presu  sa’e, maibé la’os kompañia hotu-hotu kompañia ida rua mak halimar presu.

“Ami deteta katak, balun sei iha presu estandard hela, bainhira presu ne’e aas uitoan, ami sei rekupera ho Ministériu relevante, ezemplu kuandu iha sansaun administrativu ruma diresaun nasionál regulasaun Ministériu komérsiu indústria sei rekomenda ba AIFAESA hodi foti medida maibé bainhira kazu ne’e tama ona krime ba manipulasaun ruma  sei rekomenda ba parte Polísia Nasionál Sientífiku Investigasaun Kriminál “PNSIK” hodi haree medida ida ne’e,” nia informa.

Nia salienta, kompañia ne’ebé identifika sasán folin sa’e, ekipa MTKI la bele fó hatene naran maibé ba futuru sira sei nafatin kontrola kona-ba ai-han.

Print Friendly, PDF & Email

LEAVE A REPLY

Please enter your comment!
Please enter your name here