Home Notisia AIFAESA Lansa Relatóriu Análiza Situasional Komersial no Risku Rotulajen ba Produtu Tinan...

AIFAESA Lansa Relatóriu Análiza Situasional Komersial no Risku Rotulajen ba Produtu Tinan 2017-2022

210
0
Diretor Aifaesa ho Sekretáriu Estadu koperativa lansa relatóriu. [Foto: Agustinha | 16.12.2022]

Reportajen Estajiada Agustinha Amaral

Autoridade de Inspeção Fiskalisacao de Atividade Ekonómica Sanitária e Alimentar, institutu públiku (AIFAESA.I.P) hala’o lansamentu relatóriu situasional ba aktividade komersial no analiza risku ba rotulajen husi produtu Ai-han iha Timor-Leste entre 2017-2022.

“Ohin AIFAESA.I.P hala’o nia kaar ho atividade inspesaun no fiskalizasaun ba área ekonomia sanitária no alimentar, i au mezmu tempu mos iha departementu ida ne’ebé estudu konabá kualidade, ho ida ne’e mak ohin ami halo lansamentu iha ne’e konabá relatóriu peskiza ne’ebé durante tinan 5 nia laran, hahú husi 2017-2022,” hatete Diretor AIFAESA, Ernesto Monteiro ba jornalista sira iha Salaun Delta Nova, Kuarta-feira 14/12.

Diretor ne’e akresenta, ida ne’e inísiu hato’o relatóriu, seidauk halo análiza profundu konabá kualidade ne’ebé ezisti iha ita nia rai, ho ida ne’e liu husi lansamentu ida ne’e sei hetan informasaun krítika nomos informasoens sira ne’ebé bele hadi’a kualidade produtu sira ne’ebé sirkula iha ita nia rai laran liu-liu iha merkadu.

Tanba ne’e ita kuandu ko’alia ho kualidade ida ne’ebé aat liu no ida ne’ebé aas liu. Atu hatene loloos konabá kualidade sei 0 mak aat liu ka 10 mak bot liu, ida ne’e ita tenke liu husi meius ida ne’ebé liga ho laboratorium hodi identifika kualidade ida ne’ebé di’ak, naton i ladun di’ak, nia dehan.

“Liu husi relatóriu ida ne’e ami sei identifika oinsá para bele dadus sira ne’ebé iha hodi análiza ba parte sientífiku nian, hodi bele espalla informasaun konabá kualidade ne’ebé ezisti iha ita nia rai, tantu produtu iha rai laran no produtu importasaun ne’ebé serkula iha ita nia merkadu lokal,” dehan Diretor Ernesto.

Nia salienta, governu iha planu ida atu halo laboratorium integradu tanba ita nia rai ne’e ki’ik no ema mos oi-tuan, rekursu kualidade ema mos oi-tuan ho nune’e iha intensaun ida katak Timor-Leste sei harii laboratorium nasional ida, hotu-hotu bele servisu humutuk iha ne’ebá, ho nune’e sira so hato’o de’it proposta ne’e ba MCAE, ba ko’alia iha Konsellu Ministru atu nune’e bele kria laboratorium ba Timor-Leste, hodi ita hotu bele uza tuir nesesidade ne’ebé iha.

Nia esplika, risku rotulajen signifika katak sasan sira ne’ebé ita hakerek iha nia pakotementu ni-nia misturasaun, ezemplu serveza iha nia kalen lolon ne’e hakerek iha ne’ebá 4.5%, maibé na realidade kadaves 5 i 6% hanesan ne’e, entaun prezudika ba ita nia saúde, ema ne’ebé idade boot labele konsumu, kestaun ida ne’e ita seidauk iha lei própriu ida hodi ko’alia konabá retulajen, se lei laiha, ida ne’e mos problema ba sira atu foti desizaun.

“AIFAESA la’os buka reseitas maibé nia buka oinsá kontribui operador ekonomia sira hodi proteje konsumindores, ho ida ne’e ami la’os halo de’it inspesaun, fiskalizasaun maibé ami mos divulga informasaun konabá lei hodi nune’e operador sira iha divulga sira iha obrigasaun atu kumpri lei,” dehan Diretor Ernesto.

Print Friendly, PDF & Email

LEAVE A REPLY

Please enter your comment!
Please enter your name here