Home Notisia Joven Husi Quelicai Bernardina: Husu Governu Apoia Fatin Ba Grupu Soru...

Joven Husi Quelicai Bernardina: Husu Governu Apoia Fatin Ba Grupu Soru Tais Iha Baucau

200
0
Bernardina Soares nu'udar joven milenial husi Munisipiu Baucau soru hela tai. [Foto: Joselina | 16.12.2022]

Reportajen Joselina dos Santos

Bernardina Soares nu’udar joven milenial  husi Munisipiu Baucau, Postu Administrativu  Quelicai, suku Abo, husu ba governu atu apoiu fatin ba grupu soru tais iha Munisipiu Baucau, nune grupu soru tais bele hala’o nia atividade, tanba daudaun ne’e rede soru tais Munisipiu Baucau seidauk hetan fatin fiksu.

Bernardina remata nia  Estudu iha Universidade da Paz (UNFAZ), Fakuldade Saúde Publika, Departamentu Saúde Publika,  hakarak harii grupu Liberdade Tais husi Suku Abo, Postu-Administrativu Quelicai, Munisipiu Baucau hodi kontribui ba suku nomós fó inspirasaun ba feto foinsa’e sira atu labele halakon Timor nian identidade tais ne’e, tanba tais nu’udar identidade kulturál ne’ebé ema sempre uza ba eventu kulturál tantu feto no mane hodi hatutan nafatin beiala sira ne’ebé rai hela ba jerasaun foun sira.

“Nu’udar Feto foinsa’e soru tais hanesan identidade kultura Timor nian,  tanba ne’e ha’u hakarak hatudu kreatividade no talentu kona-ba área soru tais nian nomos hatudu ba feto Timor katak feto mos bele, no hakarak promove kulidade tais ne’ebé mka iha”, Dehan Feto Milineal Bernardina ba Neon Metin iha CCD,  merkadu lama, segunda 12/12.

Nia haktuir, soru tais ne’e fó benefisiu boot ba nia tanba bele aumenta nia kapasidade no koñesimentu diak liu tan kona-ba oinsa halo soru tais ne’e, no osan sira ne’ebe nia hetan husi atividade nia uza hodi selu nia eskola nomós resposta ba nesesidade uma laran, liu husi soru tais ne’e mós bele lori nia hatene kle’an liu  Kona-ba tais nia kulidade nomós hetan oportunidade hodi bele halo kompetisaun entre grupu sira..

“Ha’u apresia tebes tanba Fundasaun Uma Paz Baucau loke kepetisaun rede soru tais Nia,  Munisipiu Baucau hamutuk Postu-Administrativu neen hanesan Quelicai, Laga, Baguia, Vemasse, Venilale no Baucau-Vila mak tuir kompetisaun maibé agradese tanba Postu-Administrativu Quelicai sai primeiru lugar, iha parte seluk liu husi soru tais ami mos bele fahe informasaun Kona soru tais nia kulidade ba iha foin sa’e sira iha suku no aldeia sira hotu,“Nia esplika.

Komemorasaun loron nasional “Tais” Timor-Leste, Bernardina husu governu  atu apoio fatin ba grupu soru tais Iha Munisipiu Baucau atu nune’e grupu soru tais bele halao nia aktividade Kona-ba soru tais nian, tanba dadaun ne’e  rede soru tais Munisipiu Baucau seiduk hetan fatin fiksu hodi hala’o sira nia aktividade soru tais nian.

Print Friendly, PDF & Email

LEAVE A REPLY

Please enter your comment!
Please enter your name here