Reportajen Joselina dos Santos
Sekretária Estadu ba Igualdade no Inkluzaun (SEII), Servisu hamutuk ho parseiru nasionál no internasionál hodi realiza atividade enseramentu ba kampaña loron 16 ativizmu kontra Viólensia Doméstika hasoru feto no labarik feto ho tema “Hamutuk ita hapara Viólensia” Tempu to’o ona atu halo revizaun ba Lei Kontra Viólensia Doméstika (LKVD), iha Timor-Leste.
Sekretária Estadu ba Igualdade no Inkluzaun (SEII), Maria do Rosário Fátima Correia hatete, realiza atividade ohin tanba ema hotu hatene katak durante loron 25 fulan novembru ne’e halo ona abertura ba kampaña loron 16 ativizmu viólensia hasoru feto no labarik feto, ema difisiensia nomos ba komunidade EGBTI sira.
“Kampaña loron 10 ativizmu hahú husi loron 25 fulan novembru to’o loron 10 fulan dezembru maibé loron 10 fulan dezembru ne’e monu iha loron sabadu nomós iha atividade barak, entaun ami serviau hamutuk ho deputadu sira atu oinsá bele jamenus viólensia hasoru feto no labarik feto iha Timor-Leste”, Dehan, Sekretária Estadu ba Igualdade no Inkluzaun (SEII), Maria do Rosário Fátima Correia iha Diskursu, iha Jardim Ponte Habibie, 14/12.
Nia haktuir, tempu ona atu halo revizaun ba Lei Kontra Violensia Domestika (LKVD), tanba haree katak Lei Kontra Violensia Domestika vigor ne’e implementa hamutuk durante tinan 12 no haromia ho kódigu penál, entaun iha artigu balun ne’ebé mensiona iha kódigu penál La mensiona iha lei kontra violensia domestika, no dadaun ne’e ita iha kazu insestu ne’ebe aman halo ba oan rasik, avó halo ba bei-oan, Tiu halo ba subriña no Feto ho naan mós bele halo ba malu.
Nune’e SEII servisu hamutuk ho organizasaun sira hotu ne’ebe durante ne’e luta ba asuntu Igualdade Jéneru Inkluzaun, atu oinsa buka estratejia no konsulta autór tribunal sira, tanba sira mak implementadór, entaun posibilidade bele kriminaliza insestu ne’e rasik tanba tuir SEII nia peskiza durante mandatu nota katak numeru violensia domestika ne’e aas tebes iha Timor-Leste.
