Reportajenn Joselina dos Santos
Prezidente Grupo Mulheres Parlamentares Timor-Leste (GMPTL), Lidia Norberta Martins, fiar katak liu husi kampaña loron 16 ativizmu ne’e bele hasa’e diak liu tan sensibilizasaun ba sidadaun sira katak viólensia domestika ne’e ema hotu tenki hakribi liu-liu mane sira, tanba ne’e krime públiku hasoru feto no labarik feto iha Timor-Leste.
“Ita tenki hamutuk hodi Luta kontra viólensia doméstika tanba ne’e ita hotu nian, iha mandatu VIII governu ida ne’e tinan ikus ba ami nia mandatu, nune’e tinan ikus Parlamentu Nasional hamutuk ho governu sai uma na’in ba kampaña loron 16, entaun kampaña ida ne’e ita hahú iha Munisipiu Ermera iha loron 25 fulan novembru no termina iha loron 10 fuan dezembru iha loron sabadu semana kotuk, maibé enseramentu ita halo ohin”, dehn, Prezidente Grupo Mulheres Parlamentares Timor-Leste (GMPTL), Lidia Norberta Martins iha Jardim Ponte Habibie, kuarta 14/12.
Nia esplika, Viólensia forma haat ne’ebe iha Timor kontinua eziste entaun presiza ema hotu nia servisu maske balun avansa ona, maibé iha mós difikuldade balun ne’ebé ema tenke haree, ida ne’e mak servisu husi parlamentu ho governu nomós parseiru sira.
“Ami fiar katak liu husi kampaña loron 16 ativizmu ne’e bele hasa’e diak liu tan sensibilizasaun ema hotu nian katak viólensia domestika ne’e ita hotu tenki hakribi liu-liu mane sira labele halo beik-beik viólensia hasoru feto no labarik feto sira”, Nia selenta.
