Home Saude 19 Abril, Deteta tan Kazu Konfirmadu Foun COVID-19 Total 62, Kazu Ativu...

19 Abril, Deteta tan Kazu Konfirmadu Foun COVID-19 Total 62, Kazu Ativu 673

253
0
ilustrasaun virus Corona. [Foto: copyright google | 19.04.2021]

Reportazen Zevonia Vieira

Ministeriu Saude (MS) ohin loron 19 Abril deteta tan kazu konfirmadu foun COVID-19 hamutuk 62. Liu hosi komunikadu imprensa Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo relata ba jornalista sira katak dadus jeral ba loron ohin hatudu katak kazu foun ba loron 19 Abril iha 62 (iha Dili 60 no iha Ainaro nain 2).

Total kazu konfirmadu kumulativu sura husi 21 Marsu 2020 to’o ohin iha 1368.  Husi total kazu detetadu foun ohin mane 39, feto 23.  Husi total kazu detetadu foun ohin asintomátiku 59 (95%) no sintomátiku nain.

Husi total kazu detetadu foun ohin, 43 (69,3%) maka deteta tamba halo teste ho razaun atu halo viajen/ka halo ona viajen ba Munispiu hafoin deteta pozitivu. Maski nune’e, sira ne’ebé rezultadu teste pozitivu, sira nia hela fatin, iha Dili, iha duni cluster sira ne’ebé iha kazu detetadu barak.

Kazu rekuperadu ne’ebé nain 30, total kazu ativu nain 673. Husi horiseik mai ohin ema ne’ebe halo teste PCR hamutuk 535, ho detalles hanesan tuir mai Vijilánsia sentinela nain 6, Rastreiu ba kontaktu (Contact tracing) nain 102.  Rastreiu Aleatoriu (Random Screening) nain 179. Viajen sai husi serka sanitária Munisipiu Dili nain 245 no  Viajen internasionál nain 3.

Print Friendly, PDF & Email

LEAVE A REPLY

Please enter your comment!
Please enter your name here