Home Notisia Augusto: Balun Faan Fos Marka MTCI Hetan Autorizasaun hosi CLN

Augusto: Balun Faan Fos Marka MTCI Hetan Autorizasaun hosi CLN

516
0
fos MTCI. [Foto: copyright google | 19.04.2021]

Reportazen David da Costa Gusmao*

Prezidente Centro Lojístika Nasionál (CLN) Agusto Junior Trindade hateten ba grupo balun ne’ebé faan fós ho marka MTCI ne’e hetan autorizasaun husi CLN, tanba riset ne’e sira hola antes, hafoin sira ba faan ou fahe.

Nia dehan ema balun fan fós ho marka MTCI no balun fahe durante iha Serka Sanitaria no inundasaun ne’e lós, tamba sira mai hola iha armazen CLN nian, hafoin sira ba faan no fahe.

Nia esplika sira ne’ebé husi munisipiu mak mai hola iha armazen CLN presija hetan rekomendasaun husi autoridade lokal.

“Ba sira ne’ebe atu mai hola fós iha CLN, tenke mai ho rekomendasaun ida hosi autoridade lokál ho objetivu katak fós ida sira hola ne’e tenke iha akompanamentu, para fós ne’e ba to’o fali iha fatin ne’ebe hetan rekomendasaun,”dehan Prezidente  CLN iha nia knaar fatin, Aitrak laran 19/04.

Nia esplika folin fós ho marka MTCI ne’e variatif, fós ne’ebé hola iha armazen CLN  ho folin $ 8.75, maibe sira ba faan iha teritoriu Timor laran tomak mak folin $12.50 cent.

“Sira ba faan tutan fali, mas nia folin ne’ebe fiksu mak $12.50 cent labele liu ida ne’e, tamba sira sura ho sira nia kustu karegas no mos selu transporte ne’e, maibe ba sira husi dook mak mai hola iha armazen ne’e nia presu ne’e tun mak hanesan karón ida ho folin $8.75 cent,” dehan nia.

Nia hatutan kustu sira ne’e sura hotu ona, maibe ba mak sira faan ho folin liu $12.50 ba leten,   sira halo manipulasaun entaun CLN liu husi ALFAESA Ho Policia hodi bele halo asaun (tindakan).

Nia informa tan governo nia intervensaun ne’e normaliza presu, se ba mak presu hanesan fali ho kompania privadu sira entaun ne’e labele”, dehan Agusto Junior.

*(David da Costa Gusmao nudar estundate UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here